ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຫ້ອງການຖະແຫຼງຂ່າວຄະນະລັດຖະບານຈີນຈັດຂຶ້ນໃນວັນທີ 21 ມັງກອນນີ້, ທ່ານສຽນເຄີ້ມິງ ຮອງລັດຖະມົນຕີກະຊວງການຄ້າຈີນກ່າວວ່າ, ປີ 2019, ການເຄື່ອນໄຫວດ້ານການຄ້າຂອງຈີນໝັ້ນທ່ຽງໂດຍລວມ, ການນຳໃຊ້ທຶນຕ່າງປະເທດໃນໝົດປີ 2019 ບັນລຸໄດ້ 941,5 ຕື້ຢວນ, ເພີ່ມຂຶ້ນຫຼາຍກວ່າປີ 2018ນັ້ນ 5,8%, ເປັນອັນດັບ 2 ຂອງໂລກ. ທ່ານຊີ້ອອກວ່າ, ອົງປະກອບການນຳໃຊ້ທຶນຕ່າງປະເທດຂອງຈີນສືບຕໍ່ດີຂຶ້ນ, ກຸ່ມເສດຖະກິດທີ່ພັດທະນາແລ້ວສ່ວນໜຶ່ງໄດ້ລົງທຶນຢູ່ຈີນຂ້ອນຂ້າງຫຼາຍຂຶ້ນ.
ປັດຈຸບັນ, ຈັງຫວະຄວາມໄວຂອງການເຕີບໂຕຂອງເສດຖະກິດໂລກຊ້າລົງ, ການລົງທຶນຂ້າມຊາດສືບຕໍ່ມີທ່ວງທ່າຫຼຸດລົງ. ຕາມ “ບົດລາຍງານຕິດຕາມທ່າອ່ຽງການລົງທຶນທົ່ວໂລກ” ທີ່ສະພາການຄ້າແລະການພັດທະນາສະຫະປະຊາຊາດເຜີຍແຜ່ໃນຫວ່າງມໍ່ໆນີ້ ສະແດງໃຫ້ເຫັນວ່າ, ປີ 2019, ການລົງທຶນຂ້າມຊາດໂດຍກົງໃນທົ່ວໂລກປີ 2019 ແມ່ນ 1390 ຕື້ໂດລາສະຫະລັດ, ໄດ້ຫຼຸດລົງ 1%. ໃນສະພາບດັ່ງກ່າວນີ້, ຈີນຍັງສາມາດດຶງດູດທຶນຕ່າງປະເທດໄດ້ຫຼາຍປານນີ້ກໍ່ຖືວ່າແມ່ນຜົນງານທີ່ດີ.
ຄຳເຫັນ
0