ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້ ນັກຂ່າວຂອງສະຖານີວິທະຍຸໂທລະພາບສູນກາງຈີນໄດ້ຊາບຈາກສະຖານທູດລາວປະຈຳຈີນວ່າ, ໃນໄລຍະພັກລະດູໜາວປີນີ້ ມີນັກສຶກສາລາວຈຳນວນ 33 ຄົນຢູ່ໂຮງຮຽນຕ່າງໆຂອງແຂວງຫູເປີຍ ເຊິ່ງໃນນັ້ນມີຈຳນວນ 30 ຄົນແມ່ນຢູ່ເມືອງອູຮັ້ນ, ນັກສຶກສາລາວເຫຼົ່ານີ້ໄດ້ພັກຢູ່ໂຮງຮຽນໝົດ, ແລະມີສຸກຂະພາບແຂງທຸກຄົນ, ບໍ່ໄດ້ຕິດເຊື້ອພະຍາດຈຸລະໂລກສາຍພັນໃໝ໋.
ນັກຂ່າວໄດ້ໂທລະສັບຫານັກສຶກສາລາວບາງຄົນ, ແລະໄດ້ຮັບຮູ້ວ່າ, ສຸກຂະພາບຂອງເຂົາເຈົ້າແຂງແຮງດີ, ຊີວິດການເປັນຢູ່ມີການຮັບປະກັນ. ບັນດານັກສຶກສາລາວພາກັນເວົ້າວ່າ, ຕົນເອງດຽວນີ້ມີຄວາມປອດໄພດີ, ແລະເຊື່ອວ່າ ຈີນຈະຕ້ອງໄດ້ຮັບໄຊຊະນະໃນການຕໍ່ສູ້ຕ້ານພະບາດໃນຄັ້ງນີ້!
“ພວກເຮົາສະບາຍດີທຸກຄົນ, ສຸກຂະພາບແຂງແຮງ, ຊີວິດການເປັນຢູ່ມີການຮັບປະກັນ”
ນັກຂ່າວໄດ້ຊາບວ່າ, ນັບແຕ່ເກີດພະຍາດເປັນຕົ້ນມາ, ທາງັດລຖະບານ, ໂຮງຮຽນແລະສະຖານທູດລາວປະຈຳຈີນລ້ວນແຕ່ໄດ້ໃຫ້ຄວາມສຳຄັນຕໍ່ຄວາມປອດໄພຂອງນັກສຶກສາລາວທີ່ຢູ່ຈີນ. ເຊິ່ງຄະນະນັກສຶກສາລາວປະຈຳຈີນໄດ້ສະຖິຕິຈຳນວນຄົນທີ່ຢູ່ຈີນ, ໃຫ້ເຂົາເຈົ້າລາຍງານສະພາບການທາງຮ່າງກາຍຂອງຕົນເອງທຸກມື້ຜ່ານທາງກຸ່ມວິເຊັດ. ປັດຈຸບັນ, ທຸກຄົນສະບາຍດີຢູ່.
ການຖ່າຍເຊຣຟິຂອງນາງສາຍຝົນ ຣາຊະຈັກ ທີ່ມະຫາວິທະຍາໄລການເງິນແລະກົດໝາຍຈົ່ງໜານທີ່ເມືອງອູຮັ້ນ
ນາງສາຍຝົນແມ່ນນັກສຶກສາ ທີ່ມະຫາວິທະຍາໄລການເງິນແລະກົດໝາຍຈົ່ງໜານທີ່ເມືອງອູຮັ້ນ. ນາງບອກວ່າ, ປັດຈຸບັນ ຊີວິດໃນໂຮງຮຽນເປັນປົກກະຕິ, ຫໍພັກໄດ້ສ້າງກຸ່ມທາງວິເຊັດໂດຍແບ່ງເປັນຕຶກ, ແຕ່ລະມື້ ນັກສຶກສາໃນກຸ່ມຈະພາກັນແຈ້ງສະພາບການຂອງຕົນເອງໃຫ້ຄູອາຈານໃນກຸ່ມຊາບ. ທາງໂຮງຣຽນຍັງບອກວ່າບໍ່ຕ້ອງອອກໄປນອກເລ້ອຍໆ. ຍັງໄດ້ແຈກຜ້າປິດປາກແລະຢາລ້າງມືຟີໃຫ້. ທາງຮ້ານອາຫານໂຮງຮຽນຍັງໄດ້ມີການບໍລິການສົ່ງອາຫານຮອດຫໍພັກ, ລາຄາອາຫານທີ່ຖືກກວ່າຍາມປົກກະຕິຫຼາຍ.
(ອາຫານໃສ່ກັບ ທີ່ກັບລະ 8 ຢວນຂອງມະຫາວິທະຍາໄລການເງິນແລະກົດໝາຍຈົ່ງໜານ-ຖ່າຍໂດຍສາຍຝົນ)
(ທ້າວຄຳຫຼ້າ ສີດາໄຊ ທີ່ຮຽນຢູ່ມະຫາວິທະຍາໄລອູຮັ້ນ)
ທ້າວຄຳຫຼ້າ ສີດາໄຊຮຽນປະລິຍາເອກຢູ່ມະຫາວິທະຍາໄລອູຮັ້ນ. ລາວບອກນັກຂາວວ່າ, ປັດຈຸບັນ ຮ້ານຂາຍສິນຄ້າຂອງໂຮງຮຽນຍັງເປີດໃຫ້ບໍລິການ, ບັນດານັກສຶກສາທີ່ຢູ່ຫໍພັກສັ່ງສິນຄ້າຈາກຮ້ານແລ້ວຈ່າຍດ້ວຍມືຖື ແລ້ວທາງຮ້ານຄ້າກຊ່ຈະສົ່ງສິນຄ້າໄປຮອດຫ້ອງ. ທາງຮ້ານອາຫານໂຮງຮຽນກໍ່ມີການບໍລິການສົ່ງອາຫານໄປຮອດຫໍພັກເຊັ່ນກັນ.
(ຮ້ານອາຫານມະຫາວິທະຍາໄລອູຮັ້ນສົ່ງອາຫານໄປຮອດຕຶກຫໍພັກຂອງນັກສຶກສາ-ຖ່າຍໂດຍຄຳຫຼ້າ)
“ພວກເຮົາມີຄວາມໝັ້ນໃຈຫຼາຍ ເຊຶ້ອວ່າຈີນຕ້ອງຜ່ານເລື່ອງຮ້າຍນີ້ໃຫ້ໄປໄດ້ແນ່ນອນ”
(ຊຸບເບີມາເກັດຢູ່ມໍ່ກັບມະຫາວິທະຍາໄລການເງິນແລະກົດໝາຍຈົ່ງໜານມີການສະໜອງຜັກຕ່າງໆຢ່າງພຽງພໍ)
(ອາຫານແບບລາວທີ່ແຕ່ງໂດຍສາຍຝົນ)
ແຕ່ລະມື້ ສາຍຝົນຈະແຕ່ງອາຫານແບບລາວໆໃຫ້ຕົນເອງກິນ. ລາວບອກວ່າ, ມີໝູ່ຄົນຈີນ, ຄົນລາວແລະຄົນປະເທດອື່ນຫຼາຍຄົນເປັນຫ່ວງນຳລາວ, ມັກຈະຖາມຂ່າວເລື້ອຍໆ, ແຕ່ລາວໄດ້ບອກວ່າດຽວນີ້ຊີວິດການເປັນຢູ່ຢູ່ອູຮັ້ນບໍ່ມີບັນຫາ, ບໍ່ຕ້ອງເປັນຫ່ວງ, ທາງໂຮງຮຽນໄດ້ເບິ່ງແຍງໄດ້ດີ, ປອດໄພຫຼາຍ. ຈີນເຄີຍມີປະສົບການແລະບົດຮຽນໃນການແກ້ໄຂເຫດການສຸກເສີນຢ່າງຫຼວງຫຼາຍແລ້ວ, ການຕອບຮັບຕໍ່ເຫດການໃນຄັ້ງນີ້ກໍ່ເຫັນວ່າທັນການຫຼາຍ, ເຊື່ອວ່າ ຈີນຕ້ອງແກ້ໄຂໃຫ້ດີໃນຄັ້ງນີ້ເຊັ່ນກັນ.
(ວັນສຸກ ພັນທະວົງ ນັກສຶກສາລາວທີ່ຮຽນຢູ່ມະຫາວິທະຍາໄລການເງິນແລະກົດໝາຍຈົ່ງໜານ)
ທ້າວວັນສຸກ ພັນທະວົງແມ່ນຮຽນຢູ່ໃນໂຮງຮຽນດຽວກັນກັບສາຍຝົນ, ລາວບອກວ່າ, ລັດຖະບານຈີນແມ່ນໄດ້ໃຊ້ມາດຕະການທັນການທີ່ສຸດໃນການຮັບມືກັບພະຍາດຄັ້ງນີ້, ໃນໂອກາດແບບນີ້ ການເສຍສະຫຼະປະໂຫຍດສ່ວນຕົວເພື່ອຄວາມໝັ້ນຄົງຂອງສະພາບກວມລວມ ແມ່ນຈຳເປນັທີ່ສຸດ, ແລະສຳຄັນຫຼາຍ.
ທ້າວຄຳຫຼ້າ ສີດາໄຊໄດ້ດຳລົງຊີວິດຢູ່ອູຮັ້ນເປັນເວລາ 7 ປີແລ້ວ. ລາວມີຄວາມໝັ້ນໃຈອັນເຕັມປ່ຽມຕໍ່ຈີນໃນການເອົາຊະນະໃນການຕ້ານກັບພະຍາດຄັ້ງນີ້, ລາວເວົ້າວ່າ: ຂ້າພະເຈົ້າດຳລົງຊີວິດຢູ່ຈີນເປັນເວລາຫຼາຍປີແລ້ວ, ເຄີຍໄດ້ເຫັນແລະໄດ້ຍິນຈີນແກ້ໄຂເຫດການສຸກເສີນມາຫຼາຍ. ຈີນດຽວນີ້ມີຄວາມສາມາດດ້ານວິຊາການສູງ, ງົບແລະວັດຖຸອຸປະກອນກໍ່ພຽງພໍ, ແລະມີການຈັດສັ້ນຢ່າງທັນການ, ສະນັ້ນ ຂ້າພະເຈົ້າເຫັນວ່າ ຈີນມີຄວາມສາມາດປົວຄົນເຈັບຢ່າງທັນການໄດ້.
(ວັນນີດາ ສະວັນນາຣີ ທີ່ຮຽນຢູ່ມະຫາວິທະຍາໄລສ້າງຄູຫວາຈົ່ງ)
ນາງວັນນີດາ ສະຫວັນນາຣີ ກຳລັງຮຽນປະລິຍາເອກຢູ່ມະຫາວິທະຍາໄລສ້າງຄູຫວາຈົ່ງ. ລາວບອກວ່າ, ໄດ້ຕິດຕໍ່ກັບພໍ່ແມ່ຢູ່ລາວເລື້ອຍໆ, ແລະບອກພວກເພິ່ນວ່າບໍ່ຕ້ອງເປັນຫ່ວງຫຼາຍ. “ຂ້ອຍໄດ້ລົມກັບພໍ່ແມ່ວ່າ ຢູ່ນີ້ຊີວິດການເປັນຢູ່ເປັນປົກກະຕິ, ໄດ້ຮັບການເບິ່ງແຍງເປັນຢ່າງດີ. ເຊື່ອວ່າ ຈີນຕ້ອງຜ່ານເລື່ອງຮ້າຍນີ້ໃຫ້ໄດ້ຢ່າງແນ່ນອນ.”
ຄຳເຫັນ
0