ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກຸມພານີ້, ໃນກອງປະຊຸມຖະແຫຼງຂ່າວຜ່ານທາງອິນເຕີເນັດ, ທ່ານເກີງສວງ ໂຄສົກກະຊວງການຕ່າງປະເທດຈີນໄດ້ກ່າວວ່າ, ໜ້າທີ່ດ່ວນກວ່າໝູໃນສະເພາະໜ້າແມ່ນປະຊາຄົມໂລກສາມັກຄີຮ່ວມກັນເອົາຊະນະພະຍາດ, ຟື້ນຟູການໄປມາຫາສູ່ກັນແລະຮ່ວມມືຢ່າງເປັນປົກກະຕິລະຫວ່າງປະເທດໂດຍໄວ, ມີແຕ່ເຮັດແນວນີ້ຈິ່ງສາມາດສະໜູນການຄ້ຳຊູທີ່ແຂງແຮງໃຫ້ການເຕີບໂຕອັນໝັ້ນທ່ຽງຂອງເສດຖະກິດໂລກ.
ຫວ່າງມໍ່ໆນີ້, ບາງອົງການການທະນາຄານແລະສື່ມວນຊົນຕ່າງປະເທດເຫັນວ່າຜົນສະທ້ອນຂອງພະຍາດປອດອັກເສບຈາກໄວຣັສໂຄໂຣນາສາຍພັນໃໝ່ຈະເກີດຜົນສະທ້ອນແບບໂດມີໂນຕໍ່ເສດຖະກິດຈີນ, ກະທົບເຖິງຕ່ອງໂສ້ການສະໜອງທົ່ວໂລກແລະເຮັດໃຫ້ຈັງຫວະການເຕີບໂຕຂອງເສດຖະກິດໂລກປີນີ້ຫຼຸດຕ່ຳລົງ. ທ່ານເກີງສວງກ່າວວ່າ, ສະພາບພະຍາດຈະເກີດຜົນສະທ້ອນຕໍ່ເສດຖະກິດຈີນນ້ອຍຫຼືໃຫຍ່ນັ້ນແມ່ນຂຶ້ນຢູ່ກັບຄວາມຄືບໜ້າແລະຜົນງານໃນການປ້ອງກັນຄວບຄຸມພະຍາດ. ຝ່າຍຈີນເຊື່ອໝັ້ນວ່າ, ດ້ານພື້ນຖານແລະທ່ວງທ່າທີ່ດີຂຶ້ນໃນໄລຍະຍາວນານຂອງເສດຖະກິດຈີນຈະບໍ່ປ່ຽນແປງຍ້ອນພະຍາດຄັ້ງນີ້, ຝ່າຍຈີນມີຄວາມສາມາດໃນການຫຼຸດຜົນສະທ້ອນຂອງສະພາບພະຍາດຄັ້ງນີ້ຕໍ່ເສດຖະກິດໃຫ້ລົງເຖິງລະດັບຕ່ຳສຸດ.
ຄຳເຫັນ
0