ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກຸມພານີ້, ໃນເວລາໃຫ້ສຳພາດຕໍ່ສື່ມວນຊົນຝຣັ່ງ, ທ່ານບຣູໂນ ເລີເມວ ລັດຖະມົນຕີວ່າການກະຊວງເສດຖະກິດແລະການເງິນຝຣັ່ງກ່າວວ່າ, ບໍລິສັດຫົວເຫວີຍຂອງຈີນຈະບໍ່ຖືກຈຳກັດຢູ່ນອກບໍລິສັດທີ່ສະໜອງອຸປະກອນເຄືອຂ່າຍ 5G ໃຫ້ຝຣັ່ງ, ແຕ່ວ່າຝຣັ່ງມີ “ການຈຳກັດ” ໃນເວລາພັດທະນາເຄືບຂ່າຍ 5G ເພື່ອປົກປັກຮັກສາ “ຜົນປະໂຫຍດອະທິປະໄຕຂອງຝຣັ່ງ”.
ທ່ານເລີເມວກ່າວວ່າ, ການທີ່ຝຣັ່ງທີ່ມັກເລືອກບໍລິສັດເອີລົບໃນການພັດທະນາເຄືອຂ່າຍ 5G ນັ້ນແມ່ນເລື່ອງທີ່ເຂົ້າໃຈໄດ້, “ ແຕ່ເບິ່ງຈາກເຕັກນິກແລະລາຄາ, ຖ້າຫົວເຫວີຍສະໜອງການເລືອກທີ່ດີກວ່າ, ກໍ່ສາມາດເຂົ້າເຄືອຂ່າຍ 5G ຂອງຝຣັ່ງໄດ້”.
ໃນຂະນະດຽວກັນ, ທ່ານກ່າວວ່າ, ຝຣັ່ງຈະ “ ມີການຈຳກັດ” ຢູ່ບາງຂົງເຂດທີ່ໃກ້ກັບສິ່ງກໍ່ສ້າງການທະຫານ, ນິວເຄຼຍເປັນຕົ້ນເພື່ອປົກປັກຮັກສາ “ຜົນປະໂຫຍດອະທິປະໄຕ” ຂອງຝຣັ່ງ, “ນີ້ບໍ່ໝາຍຄວາມວ່າມີການຈຳແນກດູໝິ່ນ”.
ຄຳເຫັນ
0