ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້,ທ່ານລີຊຽນລົງ ນາຍົກລັດຖະມົນຕີສິງກະໂປໄດ້ກ່າວປາໄສຜ່ານທາງໂທລະພາບກ່ຽວກັບສະພາບພະຍາດອັກເສບປອດໄວຣັສໂຄໂຣນາສາຍພັນໃໝ່ຢູ່ສິງກະໂປ.
ທ່ານກ່າວວ່າ,ສະພາບພະຍາດນີ້ເປັນການທົດສອບຄວາມເຕົ້າໂຮມແລະຄວາມອົດທົນຂອງສັງຄົມ,ຫວັງວ່າປະຊາຊົນສາມາດຮັກສາສະພາບຈິດໃຈທີ່ເປັນປົກກະຕິ,ສືບຕໍ່ດຳລົງຊີວິດຢ່າງເປັນປົກກະຕິ.
ໃນຄຳປາໄສ ທ່ານລີຊຽນລົງກ່າວວ່າ, ປັດຈະບັນ ອັດຕາການຕາຍຍ້ອນພະຍາດອັກເສບປອດໄວຣັສໂຄໂຣນາສາຍພັນໃໝ່ໃນປັດຈຸບັນບໍ່ສູງປານໃດ. ແຕ່ຖ້າວ່າຈຳນວນຄົນທີ່ຖືກບົ່ງມະຕິເປັນພະຍາດດັ່ງກ່າວນີ້ສືບຕໍ່ເພີ່ມຂຶ້ນ ແລະສືບຕໍ່ໃຫ້ຄົນທີ່ຖືກສົງໄສເປັນພະຍາດດັ່ງກ່າວນີ້ໃຫ້ເຂົ້າໂຮງໝໍເພື່ອກັກບໍລິເວນ, ໂຮງໝໍຂອງສິງກະໂປກໍຈະທົນບໍ່ໄຫວ, ສະນັ້ນລັດຖະບານຈິ່ງສົ່ງເສີມໃຫ້ຄົນທີ່ມີອາການພະຍາດເບົາໄປຫາໝໍສ່ວນຕົວແລະພັກຜ່ອນໃນເຮືອນ,ຜູ້ເຖົ້າຜູ້ແກ່,ເດັກນ້ອຍພ້ອມກັບຄົນທີ່ມີພະຍາດອື່ນໆພ້ອມນັ້ນຄວນສົ່ງເຂົ້າປິ່ນປົວໃນໂຮງໝໍ,ເພື່ອເຕົ້າໂຮມຊັບພະຍາກອນການປິ່ນປົວ.
ມາຮອດວັນທີ13ກຸມພານີ້,ຢູ່ສິງກະໂປໄດ້ມີຄົນເປັນພະຍາດອັກເສບປອດໄວຣັສໂຄໂຣນາສາຍພັນໃໝ່58ກໍລະນີ,ຈຳນວນຄົນທີ່ຕິດເຊື້ອພະຍາດໃນປະເທດເອງໄດ້ກວມເຖິງ60%.
ຄຳເຫັນ
0