ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກຸມພານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນຊົມເຊີຍຂໍ້ສະຫຼຸບຂອງກອງປະຊຸມສຸກເສີນຂອງລັດຖະມົນຕີກະຊວງສາທາລະນະສຸກສະຫະພາບເອີລົບກ່ຽວກັບບໍ່ຕ້ອງຫ້າມນັກທ່ອງທ່ຽວຈີນເຂົ້າເຂດເຊັນເກັນ.
ວັນທີ 13 ກຸມພານີ້, ກອງປະຊຸມສຸກເສີນຂອງລັດຖະມົນຕີກະຊວງສາທາລະນະສຸກສະຫະພາບເອີລົບເຫັນດີເພີ່ມທະວີການກະກຽມແລະດຳເນີນການເຄື່ອນໄຫວປະສານງານ, ເພື່ອປ້ອງກັນບໍ່ໃຫ້ພະຍາດແຜ່ລະບາດຕື່ມອີກຢູ່ເອີລົບ. ທ່ານສະເຕລາ ກີເຣຍກີເດັສ ກຳມະການສາທາລະນະສຸກແລະຄວາມປອດໄພອາຫານຂອງຄະນະກຳມະການສະຫະພາບເອີລົບກ່າວວ່າ, ສະພາບໃນປັດຈຸບັນບໍ່ຕ້ອງຫ້າມນັກທ່ອງທ່ຽວຈີນເຂົ້າເຂດເຊັນເກັນທີ່ຍົກເວັ້ນວິຊາ, ຄວນມີທ່າທີຕັ້ງໜ້າຕໍ່ມາດຕະການປ້ອງກັນຄວບຄຸມທີ່ສະມາຊິກປະເທດສະຫະພາບເອີລົບແລະຈີນນຳໃຊ້.
ທ່ານເກີງສວງກ່າວວ່າ, ພາຍຫຼັງພະຍາດເກີດຂຶ້ນເປັນຕົ້ນມາ, ສອງຝ່າຍຈີນກັບສະຫະພາບເອີລົບໄດ້ຮັກສາການຕິດຕໍ່ພົວພັນກັນແລະຮ່ວມມືກັນຢ່າງສະໜິດແໜ້ນຕະຫຼອດມາ, ຝ່າຍຈີນຂໍຂອບໃຈຢ່າງຈິງໃຈຕໍ່ການສະໜັບສະໜູນແລະການຊ່ອຍເຫຼືອຈາກສະຫະພາບເອີລົບແລະປະເທດສະມາຊິກຕໍ່ການປ້ອງກັນພະຍາດຂອງຈີນ. ຝ່າຍຈີນຈະສືບຕໍ່ມີທ່າທີທີ່ເປີດເຜີຍ, ປອດໂປ່ງແລະຫາບແບກໜ້າທີ່ຮັບຜິດຊອບ, ເພີ່ມທະວີການແລກປ່ຽນກັບອົງການ WHO ແລະປະຊາຄົມໂລກ, ຮ່ວມມືຮັບມືກັບພະຍາດ, ເພື່ອໄດ້ຮັບໄຊຊະນະໂດຍໄວເທົ່າທີ່ຈະໄວໄດ້.
ຄຳເຫັນ
0