ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກຸມພານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເປັນປະທານຈັດກອງປະຊຸມຄັ້ງທີ 12 ຂອງຄະນະກຳມະການລົງເລິກການປະຕິຮູບຮອບດ້ານສູນກາງຈີນ, ໂດຍກ່າວເນັ້ນວ່າ, ການຕ້ານການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ຄັ້ງນີ້ ແມ່ນການທົດສອບຄັ້ງໃຫຍ່ຕໍ່ລະບົບແລະຄວາມສາມາດໃນດ້ານການບໍລິຫານຂອງລັດຖະບານຈີນ, ໂດຍແນໃສ່ຂໍ້ຂາດຕົກບົກຜ່ອງທີ່ເຜີຍອອກໃນເທື່ອນີ້, ຕ້ອງປັບປຸງໂຄງປະກອບແລະກົນໄກປ້ອງກັນຄວບຄຸມການແຜ່ລະບາດພະຍາດຮ້າຍແຮງຂອງຈີນໃຫ້ສົມບູນ, ບູລະນະລະບົບຄຸ້ມຄອງຮັບມືສະພາບສຸກເສີນສາທາລະນະສຸກແຫ່ງລັດໃຫ້ສົມບູນ, ຍົກສູງຄວາມສາມາດໃນການຮັບມືກັບເຫດການສາທາລະນະສຸກໃຫຍ່ຫຼວງທີ່ເກີດກະທັນຫັນ.
ທ່ານສີຈິ້ນຜິງສະເໜີວ່າ, ຕ້ອງປະຕິຮູບລະບົບປ້ອງກັນຄວບຄຸມພະຍາດໃຫ້ສົມບູນ, ປັບປຸງກົນໄກປະສານງານໃນການຄົ້ນຄວ້າວິນິດໄສ, ການປະເມີນ, ການວາງນະໂຍບາຍແລະການປ້ອງກັນຄວບຄຸມ ຕໍ່ຄວາມສ່ຽງໃຫຍ່ດ້ານສາທາລະນະສຸກໃຫ້ສົມບູນ. ຕ້ອງດຳເນີນການປະຕິຮູບຕໍ່ລະບົບປ້ອງກັນຄວບຄຸມແລະປິ່ນປົວ ພະຍາດຮ້າຍແຮງ, ສ້າງກົນໄກຮັບມືສະພາບສຸກເສີນດ້ານການແຜ່ລະບາດພະຍາດຮ້າຍແຮງໃຫ້ສົມບູນ, ສ້າງລະບົບຊີ້ນຳນຳພາທີ່ໂຮມສູນເປັນເອກະພາບກັນແລະມີປະສິທິພາບສູງ. ຕ້ອງສ້າງລະບອບປະກັນໄພດ້ານການປິ່ວປົວແລະຊ່ວຍເຫຼືອພະຍາດຮ້າຍແຮງໃຫ້ສົມບູນ, ສ້າງກົນໄກປິ່ນປົວແລະຊ່ວຍເຫຼືອແບບສຸກເສີນໃຫ້ສົມບູນ, ໃນເວລາເກີດສະພາບສຸກເສີນ ຄືເກີດພະຍາດລະບາດຢ່າງກະທັນຫັນ, ຮັບປະກັນໃຫ້ອົງການປິ່ວປົວ ປົວຄົນເຈັບກ່ອນ ແລ້ວຈຶ່ງເກັບຄ່າ.
ຄຳເຫັນ
0