ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານຣົນເນຍ ລິນສ ຫົວໜ້າສູນຄົ້ນຄວ້າບັນຫາຈີນຂອງບຣາຊິນໃຫ້ສຳພາດຕໍ່ນັກຂ່າວສະຖານີວິທະຍຸໂທລະພາບສູນກາງຈີນ ຫຼື CMG ວ່າ, ເຖິງວ່າຈັງຫວະການເຕີບໂຕຂອງເສດຖະກິດຈີນໃນໄຕມາດທຳອິດປີນີ້ຈະຊ້າລົງໜ້ອຍໜຶ່ງ ຍ້ອນການແຜ່ລະບາດຂອງພະຍາດອັກເສບປອດສາຍພັນໃໝ່ກໍຕາມ, ແຕ່ລັດຖະບານຈີນໄດ້ວາງມາດຕະການຕ່າງໆຢ່າງທັນການ ເຊິ່ງໄດ້ຫຼຸດຜົນກະທົບຂອງການແຜ່ລະບາດຂອງພະຍາດທີ່ມີຕໍ່ເສດຖະກິດໃຫ້ໜ້ອຍລົງ. ທ່ານເຫັນວ່າ, ປີ 2020 ແລະ ຫຼາຍປີຂ້າງໜ້ານີ້, ເສດຖະກິດຈີນຍັງຄົງຈະຮັກສານຈັງຫວະການເຕີບໂຕປະມານ 6%.
ທ່ານລິນສກ່າວຕື່ມວ່າ, ປັດຈຸບັນນີ້, ເສດຖະກິດມະຫາພາກຂອງຈີນໄດ້ຮັກສາທ່ວງທ່າພັດທະນາເປັນຢ່າງດີໃນຂັ້ນພື້ນຖານ, ລັດຖະບານຈີນໄດ້ນຳໃຊ້ເຄື່ອງມືແລະນະໂຍບາຍດ້ານເງິນຕາແລະການເງິນ ເພື່ອຮັບປະກັນການຜະລິດ ແລະ ຊ່ວຍວິສາຫະກິດເອົາຊະນະການແຜ່ລະບາດຂອງພະຍາດ. ຄື, ໄດ້ເພີ່ມທະວີການສະໜັບສະໜູນດ້ານສິນເຊື່ອທະນາຄານຕໍ່ວິສາຫະກິດຂະໜາດນ້ອຍ, ປ່ອຍເງິນກູ້ດອກເບ້ຍຕ່ຳໃຫ້ແກ່ວິສາຫະກິດໃຫຍ່ໃນຂະແໜງການຕ່າງໆ, ໄດ້ຍົກເວັ້ນອາກອນມູນຄ່າເພີ່ມຕໍ່ຜູ້ໃຫ້ການບໍລິການດ້ານການຂົນສົ່ງ, ອາຫານການກິນ ແລະ ເຄື່ອງໃຊ້ປະຈຳວັນ. ມາດຕະການເຫຼົ່ານີ້ໄດ້ຫຼຸດຜົນກະທົບຂອງການແຜ່ລະບາດຂອງພະຍາດທີ່ມີຕໍ່ເສດຖະກິດໃຫ້ໜ້ອຍລົງ ເຊິ່ງປະເທດໃຫຍ່ອື່ນໆເປັນການຍາກຈະສາມາດເຮັດໄດ້ຄືຈີນແບບນີ້.
ຄຳເຫັນ
0