ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 20 ກຸມພານີ້, ການແຂ່ງຂັນເຕະບານເພື່ອການກຸສົນ “ບຸກຄົນໃນວົງການກິລາຂອງໄທໄດ້ເປັນຈິດໜຶ່ງໃຈດຽວກັນ ເພື່ອຊ່ວຍເຫຼືອຈີນ” ໄດ້ຈັດຂຶ້ນຢູ່ສະໜາມກິລາແຫ່ງຊາດນະຄອນຫຼວງບາງກອກຂອງໄທ, ເພື່ອລະດົມເງິນການກຸສົນ ເພື່ອຊ່ວຍເຫຼືອຈີນຕ້ານກັບການແຜ່ລະບາດຂອງພະຍາດອັກເສບປອດຈາກໄວຣັສໂຄໂລນາສາຍພັນໃໝ່.
ກະຊວງທ່ອງທ່ຽວ ແລະ ກິລາໄທໄດ້ເປັນເຈົ້າພາບຈັດການແຂ່ງຂັນຄັ້ງນີ້ ໂດຍໄດ້ຮັບຄຳຊີ້ນຳຈາກທ່ານປຣະຢຸດ ຈັນໂອຊາ ນາຍົກລັດຖະມົນຕີໄທ. ມື້ດຽວກັນ, ທີມບານເຕະສະໝັກຫຼິ້ນ 12 ທີມໄດ້ເຂົ້າຮ່ວມການແຂ່ງຂັນ. ຝ່າຍເຈົ້າພາບຍັງໄດ້ຈັດໃຫ້ມີການແຫ່ຂະບວນຂອງມວນຊົນ 500 ຄົນໄປຕາມຖະໜົນ ແລະ ຮ້ອງຄຳຂວັນ “ຈີນ, ສູ້ໆ”, “ນະຄອນອູຮັ້ນ ສູ້ໆ”, ໃຫ້ກຳລັງໃຈແກ່ຈີນໃນການຕ້ານກັບການແຜ່ລະບາດຂອງພະຍາດ.
ທ່ານພິພັດ ຣັດສະກັດປຣະການ ລັດຖະມົນຕີກະຊວງທ່ອງທ່ຽວ ແລະ ກິລາໄທກ່າວໃນພິທີປິດການແຂ່ງຂັນວ່າ, ການແຂ່ງຂັນຄັ້ງນີ້ໄດ້ສະແດງໃຫ້ເຫັນເຖິງຄວາມພະຍາຍາມຮ່ວມກັນ, ເຕົ້າໂຮມພະລັງແຮງ ແລະ ຄວາມຕັດສິນໃຈເພື່ອເອົາຊະນະເຊື້ອພະຍາດຂອງສອງປະເທດໄທແລະຈີນຢ່າງເຕັມສ່ວນ. ລັດຖະບານຈີນໄດ້ປະຕິບັດມາດຕະການທີ່ສະຫຼາດສ່ອງໃສ ແລະ ບັງເກີດຜົນໃນການຕ້ານກັບການແຜ່ລະບາດຂອງພະຍາດ, ໄທມີຄວາມໝັ້ນໃຈຢ່າງເຕັມປ່ຽມຕໍ່ປະຊາຊົນຈີນທີ່ຈະສາມາດເອົາຊະນະການແຜ່ລະບາດຂອງພະຍາດໃນທີ່ສຸດ.
ຄຳເຫັນ
0