ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ກຸມພານີ້, ເຈົ້າໜ້າທີ່ປາເລັສຕິນໄດ້ກ່າວປະນາມແຜນການຂະຫຍາຍຈຸດຕັ້ງຖິ່ນຖານຂອງຊາວຢິວສອງແຫ່ງຢູ່ເຢລູຊາເລັມຕາເວັນອອກຂອງອິສລາແອນ ໂດຍກ່າວວ່າ, ນີ້ແມ່ນປະຕິບັດຕາມ “ແຜນການສັນຕິພາບກ່ຽວກັບຕາເວັນອອກການສະບັບໃໝ່” ຂອງອາເມຣິກາ.
ວັນທີ 20 ກຸມພານີ້, ທ່ານເບນຈາມິນ ເນທັນຢາຮູ ນາຍົກລັດຖະມົນຕີອິສລາແອນປະກາດວ່າ: ຈະສ້າງເຮືອນຫ້ອງຊຸດປະມານ 5200 ຊຸດຢູ່ຈຸດຕັ້ງຖິ່ນຖານຂອງຊາວຢິວສອງແຫ່ງທີ່ເຢລູຊາເລັມຕາເວັນອອກ. ທ່ານຊາເອັບ ເອເຣກັດ ເລຂາທິການໃຫຍ່ຄະນະບໍລິຫານງານອົງການປົດປ່ອຍຊາດປາເລັສຕິນໄດ້ອອກຖະແຫຼງການກ່າວປະນາມກ່ຽວກັບເລື່ອງນີ້ວ່າ: ການກະທຳທີ່ຜິດກົດໝາຍດ້ວຍການຂະຫຍາຍຈຸດຕັ້ງຖິ່ນຖານຂອງຊາວຢິວ “ຈະເຮັດໃຫ້ການກະທຳຍາດເອົາດິນແດນປາເລັສຕິນຂອງອິສລາແອນຖືກຕ້ອງຕາມກົດໝາຍ” ແລະ ເປັນ “ການກະທຳຕັ້ງໃຈຮຸກຮານ” ຢ່າງໜຶ່ງ.
ທ່ານຊາເອັບ ເອເຣກັດກ່າວຕື່ມວ່າ, ອິສລາແອນປະກາດຂະຫຍາຍຈຸດຕັ້ງຖິ່ນຖານຂອງຊາວຢິວ ສະແດງໃຫ້ເຫັນວ່າ, ອິສລາແອນພວມປະຕິບັດ “ແຜນການສັນຕິພາບຕາເວັນອອກກາງສະບັບໃໝ່” ຂອງທ່ານໂດໂນ ທຣຳ ປະທານາທິບໍດີອາເມຣິກາ, ປະຊາຄົມໂລກຄວນໃຊ້ມາດຕະການອັນດ່ວນ ເພື່ອສະກັດກັ້ນບໍ່ໃຫ້ອິສລາແອນ ແລະ ອາເມຣິກາສືບຕໍ່ລະເມີດກົດໝາຍສາກົນ ແລະ ທຳລາຍລະບຽບສາກົນ.
ຄຳເຫັນ
0