ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະສຳຄັນແຫ່ງການຕ້ານກັບການແຜ່ລະບາດຂອງພະຍາດອັກເສບປອດຈາກໄວຣັດໂຄໂຣນາສາຍພັນໃໝ່, “ໂຄງການສ້າງປະເທດຊາດໃຫ້ເຂັ້ມແຂງດ້ວຍສິນຄ້າຍີ່ຫໍ້ຊື່ດັງ” ຂອງສະຖານີວິທະຍຸ-ໂທລະພາບສູນກາງຈີນ ຫຼື CMG ໄດ້ເລີ່ມດຳເນີນ “ກິດຈະກຳສາທາລະນະປະໂຫຍດເພື່ອຊ່ວຍແຂວງຫູເປີຍຕ້ານກັບການແຜ່ລະບາດຂອງພະຍາດ” ເລີ່ມແຕ່ວັນທີ 20 ກຸມພານີ້ເປັນຕົ້ນໄປ ເພື່ອຊ່ວຍແຂວງຫູເປີຍເອົາຊະນະໃນການປ້ອງກັນແລະຄວບຄຸມພະຍາດດັ່ງກ່າວ ທັງໃຫ້ການສະໜັບສະໜູນແກ່ແຂວງຫູເປີຍໃນການຟື້ນຟູການພັດທະນາເສດຖະກິດຄືນໃໝ່ພາຍຫຼັງການແຜ່ລະບາດຂອງພະຍາດສິ້ນສຸດລົງ.
“ກິດຈະກຳສາທາລະນະປະໂຫຍດເພື່ອຊ່ວຍແຂວງຫູເປີຍຕ້ານກັບການແຜ່ລະບາດຂອງພະຍາດ” ທີ່ນອນຢູ່ໃນ “ໂຄງການສ້າງປະເທດຊາດໃຫ້ເຂັ້ມແຂງດ້ວຍສິນຄ້າຍີ່ຫໍ້ຊື່ດັງ” ຂອງ CMG ໄດ້ກວມເນື້ອໃນ 4 ດ້ານ ຄື: ໜຶ່ງ, ບໍລິຈາກເງິນສົດ 100 ລ້ານຢວນ ເຊິ່ງເປົ້າໝາຍບໍລິຈາກຕົ້ນຕໍແມ່ນມອບໃຫ້ຄອບຄົວຂອງພະນັກງານການແພດແລະພະຍາບານທີ່ໄດ້ເສຍສະຫຼະຊີວິດໃນການຕ້ານກັບການແຜ່ລະບາດຂອງພະຍາດອັກເສບປອດສາຍພັນໃໝ່ ພ້ອມດ້ວຍພະນັກງານການແພດແລະພະຍາບານທີ່ຕ້ານກັບການແຜ່ລະບາດຂອງພະຍາດດັ່ງກ່າວເປັນຕົ້ນ. ສອງ, ສົມທົບແຜນໂຄສະນາສິນຄ້າຕົກເປັນເງິນ 500 ລ້ານຢວນ ເຂົ້າໃນ “ແຜນການຂອງ CMG ເພື່ອອຸດໜູນຍີ່ຫໍ້ສິນຄ້າທີ່ມີຊື່ສຽງຂອງແຂວງຫູເປີຍ” ໂດຍຊ່ວຍໂຄສະນາຍີ່ຫໍ້ສິນຄ້າທີ່ມີຊື່ສຽງຂອງວິສາຫະກິດ 30-50 ແຫ່ງຂອງແຂວງຫູເປີຍໂດຍບໍ່ເກັບຄ່າ ເພື່ອຊ່ວຍເຫຼືອແຂວງຫູເປີຍໃນການຟື້ນຟູການພັດທະນາເສດຖະກິດຄືນໃໝ່. ສາມ, ຈັດຕັ້ງວິສາຫະກິດທີ່ໄດ້ຮັບການຄັດເລືອກເຂົ້າໃນ “ໂຄງການສ້າງປະເທດຊາດໃຫ້ເຂັ້ມແຂງດ້ວຍສິນຄ້າຍີ່ຫໍ້ຊື່ດັງ” ຂອງ CMG ດ້ວຍການບໍລິຈາກວັດຖຸອຸປະກອນເພື່ອນຳໃຊ້ເຂົ້າໃນການຕ້ານກັບການແຜ່ລະບາດຂອງພະຍາດໃຫ້ແກ່ແຂວງຫູເປີຍ ແລະ ສີ່, ນຳໃຊ້ແຜນໂຄສະນາສິນຄ້າຕົກເປັນເງິນ 1,5 ຕື້ຢວນເຂົ້າໃນການສະໜັບສະໜູນວິສາຫະກິດດັ່ງກ່າວຈັດກິດຈະກຳມອບຄວາມຮັກແພງ ເພື່ອສົ່ງເສີມການບໍລິຈາກຂອງວິສາຫະກິດເຫຼົ່ານີ້.
ຄຳເຫັນ
0