ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກຸມພານີ້, ມະຫາວິທະຍາໄລອາຄຸສ, ມະຫາວິທະຍາໄລເບຍເຈັດແລະມະຫາວິທະຍາໄລອາຄຸສ ໂອເປີນຂອງປາເລັສຕິນໄດ້ເຊັນສັນຍາຮ່ວມມືການສິດສອນພາສາຈີນ, ເພື່ອເພີ່ມທະວີການແລກປ່ຽນແລະຮ່ວມມືລະຫວ່າງໂຮງຮຽນຊັ້ນສູງສາມແຫ່ງດັ່ງກ່າວໃນຂົງເຂດການສອນພາສາຈີນ.
ຕາມສັນຍາດັ່ງກ່າວ, ສະຖາບັນຂົງຈື້ຂອງມະຫາວິທະຍາໄລອາຄຸສ ຈະສົ່ງອາຈານສອນພາສາຈີນໄປມະຫາວິທະຍາໄລເບຍເຈັດແລະມະຫາວິທະຍາໄລອາຄຸສ ໂອເປີນ, ແລະຈະສະໜອງຕຳລາສອນຕົ້ນສະບັບ, ບົດຮຽນແລະຂໍ້ມູນການສຶກສາອື່ນໆແລະການສອບເສັງາລະດັບພາສາຈີນຢ່າງເປັນທາງການໃຫ້ແກ່ນັກສຶກສາທີ່ຮຽນຢູ່ມະຫາວິທະຍາໄລສອງແຫ່ງດັ່ງກ່າວ. ນອກນີ້, ສະຖາບັນຂົງຈື້ຂອງມະຫາວິທະຍາໄລອາຄຸສ ຍັງຈະປະເມີນຄຸນນະພາບການສຶກສາພາສາຈີນຂອງສອງໂຮງຮຽນດັ່ງກ່າວ.
ທ່ານໂກ່ວເຫວີຍ ຫົວໜ້າສຳນັກງານຈີນປະຈຳປາເລັສຕິນກ່າວໃນພິທີເຊັນສັນຍາວ່າ: ດີໃຈຫຼາຍທີ່ໄດ້ເຫັນການສອນພາສາຈີນທີ່ເລີ່ມຈາກມະຫາວິທະຍາໄລອາຄຸສ ເຊິ່ງເປັນມະຫາວິທະຍາໄລທີ່ມີຊື່ສຽງຂອງປາເລັສຕິນແລ້ວໄດ້ແຜ່ຂະຍາຍໄປສູ່ໂຮງຮຽນຊັ້ນສູງອື່ນໆ, ຫວັງວ່າການສອນພາສາຈີນຈະສາມາດແຜ່ຂະຫຍາຍໄປຮອດເຂດອື່ນໆຂອງປາເລັສຕິນໃນອະນາຄົດ.
ຄຳເຫັນ
0