ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຢາແລະແພດແຜນຈີນໄດ້ເສີມຂະຫຍາຍບົດບາດສຳຄັນ ໃນຂະບວນການຕ້ານກັບການແຜ່ລະບາດຂອງພະຍາດອັກເສບປອດຈາກໄວຣັສໂຄໂລນາສາຍພັນໃໝ່ຄັ້ງນີ້. ຕົວເລກຂໍ້ມູນທີ່ອົງການຄຸ້ມຄອງຢາແລະແພດແຜນຈີນແຫ່ງຊາດຈີນເປີດເຜີຍສະແດງໃຫ້ເຫັນວ່າ, ຢາແລະແພດແຜນຈີນມີສ່ວນຮ່ວມໃນການປິ່ນປົວຜູ້ເປັນພະຍາດອັກເສບປອດສາຍພັນໃໝ່ໄດ້ຫຼາຍກວ່າ 6 ໝື່ນກໍລະນີແລ້ວ.
ຂ່າວແຈ້ງວ່າ, ການຄົ້ນຄວ້າໃນການປິ່ນປົວທີ່ດຳເນີນຢູ່ນະຄອນອູຮັ້ນສະແດງໃຫ້ເຫັນວ່າ, ຖ້າໃຊ້ຢາແລະແພດແຜນຈີນ ແລະ ແພດແຜນປັດຈຸບັນປະສົມກັນປິ່ນປົວຜູ້ມີອາການເບົາ, ອາການກໍຈະຫາຍຂາດໄວກວ່າໃຊ້ພຽງແຕ່ແພດແຜນປັດຈຸບັນ 2 ວັນ, ອຸນຫະພູມຮ່າງກາຍສາມາດຟື້ນຟູເປັນປົກກະຕິໄວກວ່າ 1,7 ວັນ, ສະເລ່ຍແລ້ວ, ເວລານອນໂຮງໝໍຫຼຸດໜ້ອຍລົງ 2,2 ວັນ, ອັດຕາປົວໃຫ້ຫາຍຂາດໄດ້ສູງຂຶ້ນ 33%, ເຮັດໃຫ້ຜູ້ເປັນພະຍາດອາການທຳມະດາແລ້ວເປັນອາການໜັກນັ້ນໄດ້ຫຼຸດລົງ 27,4%.
ທ່ານຢວີແຢ້ນຫົງ ຮອງຫົວໜ້າອົງການຄຸ້ມຄອງຢາແລະແພດແຜນຈີນແຫ່ງຊາດຈີນກ່າວວ່າ, ຕໍ່ໄປ, ພວກເຮົາຈະສືບຕໍ່ວິທີໃຊ້ຢາແລະແພດແຜນຈີນແລະແພດແຜນປັດຈຸບັນປະສົມກັນໃຫ້ລະອຽດກວ່າເກົ່າ, ເສີມຂະຫຍາຍບົດບາດຂອງແພດແຜນທັງສອງຢ່າງ, ຫຼຸດອາການສົນໃຫ້ໜ້ອຍລົງ, ຫຼຸດອັດຕາການຕາຍ ແລະ ປົກປ້ອງຄວາມປອດໄພດ້ານຊີວິດ ແລະ ສຸຂະພາບທາງຮ່າງກາຍຂອງປະຊາຊົນ.
ຄຳເຫັນ
0