ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມເຈົ້າໜ້າທີ່ອາວຸໂສເອເປັກຄັ້ງທຳອິດສຳລັບປີ 2020 ທີ່ຈັດຂຶ້ນຢູ່ນະຄອນຫຼວດພຸດຕຣາຈາຢາປະເທດມາເລເຊຍໄດ້ສິ້ນສຸດລົງແລ້ວໃນວັນທີ 22 ກຸມພານີ້. ເຈົ້າໜ້າທີ່ມາເລເຊຍ ປະເທດເຈົ້າພາບຈັດກອງປະຊຸມເອເປັກໃນປີນີ້ກ່າວວ່າ, ກອງປະຊຸມຄັ້ງນີ້ໄດ້ສຸມໃສ່ການວາງນະໂຍບາຍໃຫ້ບັງເກີດຜົນ ເພື່ອສະໜັບສະໜູນການພັດທະນາເສດຖະກິດສັງຄົມຂອງພາກພື້ນນີ້.
ເຈົ້າໜ້າທີ່ກະຊວງອຸດສາຫະກຳການຄ້າມາເລເຊຍກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 22 ກຸມພານີ້ວ່າ, ກອງປະຊຸມໄດ້ປຶກສາຫາລືກັນກ່ຽວກັບຫົວຂໍ້ຕ່າງໆ ເຊັ່ນ: ໃຫ້ບັນລຸເປົ້າໝາຍໂບກໍໃນທ້າຍປີນີ້, ວາງວິໄສທັດການຮ່ວມມືຫຼັງປີ 2020 ຂອງເອເປັກ ແລະ ອື່ນໆ, ຜູ້ເຂົ້າຮ່ວມກອງປະຊຸມໄດ້ສະແດງຄວາມເພິ່ງພໍໃຈຕໍ່ຄວາມຄືບໜ້າທີ່ໄດ້ຮັບໃນໄລຍະປັດຈຸບັນ.
ເປົ້າໝາຍໂບກໍໄດ້ສະເໜີອອກມາໃນກອງປະຊຸມເອເປັກທີ່ຈັດຂຶ້ນຢູ່ນະຄອນໂບກໍປະເທດອິນໂດເນເຊຍໃນປີ 1994 ເຊິ່ງເນື້ອໃນແມ່ນໃຫ້ກຸ່ມເສດຖະກິດທີ່ພັດທະນາແລ້ວຫັນການຄ້າແລະການລົງທຶນເປັນແບບເສລີກ່ອນປີ 2010 ແລະ ກຸ່ມເສດຖະກິດພວມພັດທະນາໃຫ້ບັນລຸເປົ້າໝາຍດັ່ງກ່າວກ່ອນປີ 2020.
ຄຳເຫັນ
0