ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ຖ້ອຍຄຳທີ່ໃສ່ຮ້າຍປ້າຍສີວ່າ: ຜະລິດຕະພັນຈີນມີເຊື້ອໄວຣັສໂຄວິດ-19 ຕິດມີນຳ ແລະ ຮຽກຮ້ອງໃຫ້ຕໍ່ຕ້ານຜະລິດຕະພັນຈີນ, ວັນທີ 20 ມີນານີ້, ທ່ານເກິງສວງ ໂຄສົກກະຊວງການຕ່າງປະເທດຈີນໄດ້ກ່າວຕອບໂຕ້ຖ້ອຍຄຳໄຮ້ດຽງສາດັ່ງກ່າວ.
ທ່ານກ່າວວ່າ, ຈີນເປັນປະເທດໃຫຍ່ໃນດ້ານອຸດສາຫະກຳການຜະລິດ ແລະ ກໍເປັນປະເທດໃຫຍ່ໃນການຜະລິດ ແລະ ສົ່ງອອກວັດຖຸອຸປະກອນປ້ອງກັນ ແລະ ປິ່ນປົວພະຍາດໂຄວິດ-19 ເຊັ່ນກັນ. ປັດຈຸບັນນີ້, ພະຍາດດັ່ງກ່າວໄດ້ແຜ່ລະບາດໃນຂອບເຂດທົ່ວໂລກແລ້ວ, ຫຼາຍປະເທດຂາດຜ້າປິດປາກ, ຊຸດປ້ອງກັນພະຍາດ, ເຄື່ອງຊ່ວຍຫາຍໃຈ ແລະ ອຸປະກອນອື່ນໆຢ່າງຫຼວງຫຼາຍ ປະເທດທັງຫຼາຍຫວັງວ່າຈະໄດ້ຮັບການຊ່ວຍເຫຼືອ ຫຼືຊື້ຈາກຈີນ. ໃນຂະນະທີ່ຈີນສຸມຄວາມພະຍາຍາມສຸດຂີດ ເພື່ອຕ້ານກັບການແຜ່ລະບາດຂອງພະຍາດ, ຈີນກໍໄດ້ຜ່ານຜ່າຄວາມຫຍຸ້ງຍາກຫຼາຍຢ່າງ, ໄດ້ ແລະ ຈະສືບຕໍ່ໃຫ້ການຊ່ວຍເຫຼືອຕາມຄວາມສາມາດຂອງຕົນແກ່ປະເທດທີີ່ມີຄວາມຕ້ອງການໃນດ້ານນີ້ ພ້ອມທັງອຳນວຍການຄວາມສະດວກໃຫ້ແກ່ປະເທດເຫຼົ່ານີ້ມາຈັດຊື້ຢູ່ຈີນ.
ທ່ານເກິງສວງກ່າວວ່າ, “ຖ້າມີຄົນເວົ້າວ່າ: “ຜະລິດຕະພັນຈີນມີໄວຣັສຕິດຢູ່ນຳ”, ຄັນຊັ້ນ, ໂດຍຢູ່ຕໍ່ໜ້າການແຜ່ລະບາດຂອງພະຍາດ, ໃຫ້ຄົນຈຳພວກນີ້ຢ່າສູ່ໃສ່ຜ້າປິດປາກຈີນ, ຢ່ານຸ່ງຊຸດປ້ອງກັນພະຍາດຂອງຈີນ ແລະ ຢ່າໃຊ້ເຄື່ອງຊ່ວຍຫາຍໃຈທີ່ນຳເຂົ້າຈາກຈີນ ເພື່ອຫຼີກເວັ້ນບໍ່ໃຫ້ຕິດເຊື້ອໄວຣັສ.”
ຄຳເຫັນ
0