尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
抗击新型冠状病毒专题_fororder_kanfeiyanbannerxiao

ນະຄອນອູຮັ້ນຕ້ອນຮັບລົດໄຟຂະບວນພິເສດທີ່ບັນທຸກຜູ້ໂດຍສານເພື່ອຟື້ນຟູການເຮັດວຽກຄືນໃໝ່ຂະບວນທຳອິດ ໃນປີນີ້

2020-03-22 17:01:30 cri

ຕອນບ່າຍວັນທີ 21 ມີນານີ້, ລົດໄຟຂະບວນ G6846 ທີ່ໄດ້ບັນທຸກພະນັກງານແລະກໍາມະກອນຂອງບໍລິສັດລົດຍົນ HONDA ຕຸ່ງເຟີ່ງຈໍາກັດ 1 ພັນກວ່າຄົນໄດ້ເດີນທາງເຖິງສະຖານີລົດໄຟຮັ້ນໂຂ້ວຂອງນະຄອນອູຮັ້ນ,ນີ້ເປັນລົດໄຟທີ່ບັນທຸກຜູ້ໂດຍສານເພື່ອຟື້ນຟູການເຮັດວຽກຄືນໃໝ່ທີ່ໄດ້ເດີນທາງເຖິງນະຄອນອູຮັ້ນຂະບວນທຳອິດນັບແຕ່ອູຮັ້ນໄດ້ປະສົບກັບການແຜ່ລະບາດຂອງພະຍາດໂຄວິດ-19 ເປັນຕົ້ນມາ.
 

ຜູ້ຮັບຜິດຊອບທີ່ກ່ຽວຂ້ອງຂອງກຸ່ມບໍລິສັດໃຫຍ່ທາງລົດໄຟຈີນຈຳກັດສາຂາອູຮັ້ນໄດ້ໃຫ້ຮູ້ວ່າ: ລົດໄຟຂະບວນ G6846 ໄດ້ແລ່ນມາຕາມທາງລົດໄຟຄວາມໄວສູງຮັ້ນໂຂ້ວ-ສືຢ້ຽນທີ່ໄດ້ເປີດບໍລິການໃນທ້າຍປີນີ້,ເວລາ 14 ໂມງ 45 ນາທີ, ລົດໄຟຂະບວນດັ່ງກ່າວໄດ້ຂົນສົ່ງຜູ້ໂດຍສານຈຳນວນ 650 ຄົນໄດ້ອອກເດີນທາງຈາກສະຖານີລົດໄຟຕາເວັນອອກຂອງເມືອງສືຢ້ຽນ,ເມື່ອຮອດສະຖານີລົດໄຟຕາເວັນອອກຊ່ຽງຢາງແລ້ວ,ກໍໄດ້ຮັບຜູ້ໂດຍສານອີກ 300 ກວ່າຄົນ. ເມື່ອເຂົາເຈົ້າໄດ້ເດີນທາງເຖິງສະຖານີລົດໄຟຮັ້ນໂຂ້ວແລ້ວ,ໄດ້ຂຶ້ນລົດບັສຕໍ່,ແລະສົ່ງໄປໂຮງງານຫຼືເຂດຊຸມຊົນຂອງພະນັກງານເຫຼົ່ານີ້ໂດຍກົງ. ກ່ອນຈະຂຶ້ນລົດ,ຜູ້ໂດຍສານທັງໝົດລ້ວນແຕ່ໄດ້ຮັບການກວດສຸຂະພາບແລະກວດກາລະຫັດສຸຂະພາບຕາມຂໍ້ກໍານົດ.

ຄຳ​ເຫັນ

0