ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ມີນານີ້, ທ່ານລີເຄີ້ສຽງ ນາຍົກລັດຖະມົນຕີ ຫົວໜ້າຄະນະນຳພາວຽກງານຮັບມືພະຍາດໂຄວິດ-19 ສູນກາງຈີນໄດ້ເປັນປະທານຈັດກອງປະຊຸມໜ່ວຍງານນຳພາວຽກງານ.
ກອງປະຊຸມຊີ້ໃຫ້ເຫັນວ່າ, ປັດຈຸບັນ, ການແຜ່ລະບາດພະຍາດໂຄວິດ-19 ຢູ່ພາຍໃນປະເທດຈີນທີ່ມີນະຄອນອູຮັ້ນເປັນໃຈກາງໄດ້ຖືກສະກັດກັ້ນໂດຍພື້ນຖານແລ້ວ, ແຕ່ຄວາມສ່ຽງທີ່ມີກໍລະນີເກີດຂຶ້ນເລັກໆນ້ອຍໆແລະເກີດຂຶ້ນຢູ່ບາງພາກສ່ວນກໍ່ຍັງຄົງຕົວຢູ່, ສະພາບພະຍາດໄດ້ລະບາດຢ່າງໃຫຍ່ໃນທົ່ວໂລກ, ສະຖານະການຍັງສັບສົນເຄັ່ງຂືມຢູ່, ຄວນຮັກສາຄວາມຕື່ນຕົວ, ຢ່າປະໝາດເດັດຂາດ. ຄວນປະຕິບັດນະໂຍບາຍປ້ອງກັນແລະຄວບຄຸມພາກກວມລວມທີ່ວ່າ “ປ້ອງກັນພະຍາດມາຈາກພາຍນອກ, ປ້ອງກັນພະຍາດຟື້ນຟູພາຍໃນ”. ແຫ່ງຕ່າງໆຕ້ອງຍຶດໝັ້ນເຮັດວຽກຕາມສະພາບຕົວຈິງ, ປະກາດຂໍ້ມູນຢ່າງເປີດເຜີຍແລະໂປ່ງໄສ, ບໍ່ໃຫ້ປິດອຳຂໍ້ມູນ. ຄວນເພີ່ມທະວີການແລກປ່ຽນແລະຮ່ວມມືລະຫວ່າງຊາດຕື່ມອີກ, ສະໜອງຄວາມຊ່ວຍເຫຼືອຕາມຄວາມສາມາດຂອງຕົນໃຫ້ແກ່ປະຊາຄົມໂລກໃນການຕໍ່ຕ້ານພະຍາດ. ສະຖານທູດແລະສະຖານກົງສຸນຕ່າງໆທີ່ຈີນປະຈຳຕ່າງປະເທດ ແລະພາກສ່ວນທີ່ກ່ຽວຂ້ອງຕ້ອງອອກແຮງເຮັດວຽກປົກປ້ອງກົງສຸນແລະຊ່ວຍເຫຼືອປ້ອງກັນພະຍາດຕໍ່ປະຊາຊົນຈີນທີ່ຢູ່ຕ່າງປະເທດໃຫ້ດີ.
ຄຳເຫັນ
0