ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 23 ມີນານີ້, ທ່ານນາງເທນດາອີ ອາຊິວເມ ຜູ້ລາຍງານພິເສດຂອງອົງການສະຫະປະຊາຊາດກ່າວວ່າ: ເຈົ້າໜ້າທີ່ຂອງປະເທດທີ່ກ່ຽວຂ້ອງຕັ້ງຊື່ໃຫ້ພະຍາດໂຄວິດ-19 ດ້ວຍເຈດຕະນາທີ່ບໍ່ດີ, ທ່າທີທີ່ຢຽບຢຳປະເທດອື່ນທີ່ເອົາພະຍາດໃດໜຶ່ງພົວພັນກັບປະເທດຫຼືຊົນຊາດໃດໜຶ່ງນັ້ນ, ເປັນການກະທຳທີ່ບໍ່ຮັບຜິດຊອບແລະເຮັດໃຫ້ຄົນທັງຫຼາຍເກີດມີຄວາມວິຕົກກັງວົນ.
ທ່ານນາງອາຊິວເມກ່າວໃນຖະແຫຼງການສື່ມວນຊົນສະບັບໜຶ່ງວ່າ: ອົງການອະນາໄມໂລກໄດ້ກ່າວຢ່າງຈະແຈ້ງວ່າ: ຖ້າຕັ້ງຊື່ໃຫ້ພະຍາດຢ່າງບໍ່ເໝາະສົມ, ຈະສ້າງຜົນກະທົບທາງລົບຕໍ່ກຸ່ມຄົນສະເພາະຢ່າງໜັກໜ່ວງ. ຄວາມເວົ້າແລະການກະທຳຂອງເຈົ້າໜ້າທີ່ປະເທດທີ່ກ່ຽວຂ້ອງໄດ້ສົ່ງຜົນຮ້າຍຕົວຈິງມາໃຫ້ໂລກແລ້ວ, ໂດຍປະຊາຊົນຈຳນວນໜຶ່ງທີ່ມາຈາກຈີນຫຼືປະເທດອາຊີຕາເວັນອອກອື່ນໆໄດ້ປະສົບການຈຳແນກເຊື້ອຊາດດ້ວຍການໃສ່ຮ້າຍປ້າຍສີ ບໍ່ໃຫ້ການບໍລິການ ຈົນກວ່າການໂຈມຕີດ້ວຍຄວາມຮຸນແຮງ.
ທ່ານນາງອາຊິວເມເນັ້ນວ່າ: ຢູ່ຕໍ່ໜ້າສະພາບພະຍາດ, ນະໂຍບາຍທີ່ປຸກປັ່ນຄວາມຢ້ານກົວແລະການດູຖູກນັ້ນ ບໍ່ພຽງແຕ່ບໍ່ມີຜົນດີຕໍ່ການຕ້ານພະຍາດຢ່າງມີປະສິດທິຜົນເທົ່ານັ້ນ, ຍັງຈະເດີນໄປສູ່ທິດກົງກັນຂ້າມ. ທ່ານນາງກ່າວວ່າ:“ການລະບາດພະຍາດໃນຄັ້ງນີ້ເປັນການສົ່ງຄຳເຕືອນໃຫ້ພວກເຮົາອີກເທື່ອໜຶ່ງວ່າ, ຊາຕາກຳຂອງມວນມະນຸດມີການພົວພັນຢ່າງໃກ້ຊິດ, ຄວາມສຸກຂອງທຸກຄົນຕິດພັນກັນຢ່າງແໜ້ນແຟ້ນ.”
ມື້ດຽວກັນ, ທ່ານໄມຄາວ ຣຽນ ຜູ້ຮັບຜິດຊອບໂຄງການສຸກເສີນດ້ານສາທາລະນະສຸກອົງການອະນາໄມໂລກກ່າວວ່າ: ການທີ່ໂຕ້ຖຽງກັນກ່ຽວກັບແຫຼ່ງກຳເນີດຂອງເຊື້ອໄວຣັດໂຄວິດ-19 ບໍ່ແມ່ນບັນຫາໃຈກາງໃນປະຈຸບັນນີ້, ປະຈຸບັນຄວນພະຍາຍາມຮ່ວມກັນເພື່ອຕໍ່ຕ້ານກັບພະຍາດ.
ຄຳເຫັນ
0