ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວcri: ຕອນທ່ຽງວັນທີ 24 ມີນານີ້ຕາມເວລາທ້ອງຖິ່ນ, ທ່ານໂດນານ ທຣຳ, ປະທານາທິບໍດີອາເມລິກາກ່າວໃນເວລາໃຫ້ສຳພາດຕໍ່ໂທລະພາບໂຟຄສ໌ວ່າ, ທ່ານກຳລັງພິຈາລະນາກ່ຽວກັບການຫຼຸດຜ່ອນການການຄວບຄຸມຕໍ່ພະຍາດ, ຫວັງວ່າອາເມລິກາຈະບັນລຸການ “ເປີດປະຕູ”ກ່ອນກາງເດືອນເມສາໜ້ານີ້. ຫຼັງຈາກທ່ານກ່າວຄຳເວົ້າດັ່ງກ່າວແລ້ວ, ໄດ້ຖືກວົງການຕ່າງໆຂອງອາເມລິກາຄັດຄ້ານຢ່າງຮຸນແຮງ.
ທ່ານນາງ ນັນຊີ ເປໂລຊີ, ປະທານສະພາຕ່ຳຂອງລັດຖະສະພາອາເມລິກາກ່າວວ່າ, ທ່ານທຣຳຄວນຮັບຟັງຂໍ້ສະເໜີຂອງນັກວິທະຍາສາດ, ໃນເວລາປະກອບຄຳເຫັນຄວນເຄົາລົບວິທະຍາສາດ, ແລະມີຫຼັກອ້າງອີງ”. ທ່ານໂຈເຊຟ ບິເດນ, ຜູ້ສະໝັກຮັບເລືອກຕັ້ງຂອງພັກປະຊາທິປະໄຕກ່າວວ່າ: “ທ່ານໂດນານ ທຣຳຢ່າເວົ້າອີກແລ້ວ, ຈົ່ງຟັງຊ່ຽວຊານການແພດເວົ້າແດ່”.
ທ່ານບິສ ເກສ, ຜູ້ສ້າງຕັ້ງບໍລິສັດໄມໂຄຼເວັຟກ່າວວ່າ, ການຕົກລົງໃຫ້ຟື້ນຟູຊີວິດການເປັນຢູ່ຢ່າງເປັນປົກກະຕິໂດຍໄວແມ່ນບໍ່ຮັບຜິດຊອບ. ສຳລັບອາເມລິກາ, ການປະຕິບັດການແຍກປ່ຽນເປັນເວລາ 6 ຫາ 8 ອາທິດແມ່ນການເລືອກພຽງອັນດຽວເພື່ອສະກັດກັ້ນການລະບາດເຊື້ອພະຍາດ.
ທ່ານໂດນານ ທຣຳເຫັນວ່າ, “ຢຸດເຊົາວຽກງານຕ່າງໆ”ໃນທົ່ວປະເທດມີຜົນກະທົບເປັນໄລຍະຍາວນານຕໍ່ເສດຖະກິດຫຼາຍກວ່າຜົນກະທົບຈາກສະພາບພະຍາດ, ແຕ່ວ່າ, ຖະໜົນວໍສຕຣີທີ່ໄດ້ຮັບຜົນກະທົບຢ່າງໜັກໜ່ວງທີ່ສຸດຈາກສະພາບພະຍາດກໍບໍ່ເຫັນດີທ່ານທຣຳນີ້. ນັກວິເຄາະຂອງບໍລິສັດໂມແກນ ສະແດນລີເຕືອນໃນວັນທີ 24 ມີນານີ້ວ່າ, ຖ້າວ່າທຳນຽບຂາວໄດ້ຫຼຸດຜ່ອນມາດຕະການກ່ອນກຳນົດ, ອາດຈະເຮັດໃຫ້ຈຳນວນຄົນທີ່ຕິດພະຍາດເພີ່ມຂຶ້ນຢ່າງວ່ອງໄວ, ຫຼືເຮັດໃຫ້ກະແສສູງສຸດຂອງຈຳນວນຄົນຕິດພະຍາດໄດ້ມາຊ້າກວ່າກ່ຽວນີ້.
ຄຳເຫັນ
0