ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານສູເຄີ່ມິນ ເຈົ້າໜ້າທີ່ກະຊວງອຸດສາຫະກຳແລະວິທະຍາສາດເຕັກໂນໂລຊີຈີນເປີດເຜີຍໃຫ້ຮູ້ໃນວັນທີ 30 ມີນານີ້ວ່າ: ຕາມສະຖິຕິທີ່ບໍ່ຄົບຖ້ວນ, ນັບແຕ່ວັນທີ 19 ມີນານີ້ເປັນຕົ້ນມາ, ຈີນໄດ້ສະໜອງເຄື່ອງຊ່ວຍຫາຍໃຈ 1700 ກວ່າເຄື່ອງໃຫ້ຕ່າງປະເທດແບບສຸກເສີນ ເຊິ່ງເທົ່າກັບເຄິ່ງໜຶ່ງຂອງຍອດປະລິມານທີ່ສະໜອງໃຫ້ພາຍໃນປະເທດນັບແຕ່ຕົ້ນປີນີ້ມາ.
ໃນກອງປະຊຸມຖະແຫຼງຂ່າວຂອງກົນໄກຮ່ວມກັນປ້ອງກັນແລະຄວບຄຸມພະຍາດ COVID- 19ຂອງລັດຖະບານຈີນທີ່ຈັດຂຶ້ນໃນວັນທີ 30 ມີນານີ້, ທ່ານສູເຄີ່ມິນກ່າວວ່າ: ພະຍາດ COVID- 19ໄດ້ແຜ່ລະບາດຢ່າງວ່ອງໄວໃນທົ່ວໂລກ, ຕ່າງປະເທດມີຄວາມຕ້ອງການຢ່າງຫຼວງຫຼາຍເປັນພິເສດຕໍ່ອຸປະກອນການແພດໂດຍສະເພາະແມ່ນເຄື່ອງຊ່ວຍຫາຍໃຈ. ຈີນມີວິສາຫະກິດຜະລິດເຄື່ອງຊ່ວຍຫາຍໃຈທັງໝົດ 21 ແຫ່ງ, ໃນນີ້ ຜະລິດຕະພັນຕົ້ນຕໍຂອງວິສາຫະກິດ 8 ແຫ່ງໄດ້ຮັບໃບຢັ້ງຢືນມາດຕະຖານ CE ຕາມສະຫະພາບເອີຣົບບັງຄັບ, ເຊິ່ງມີຄວາມສາມາດການຜະລິດກວມປະມານ 1 ສ່ວນ 5 ຂອງທົ່ວໂລກ.
ພາຍຫຼັງເກີດການແຜ່ລະບາດຂອງພະຍາດ COVID- 19ແລ້ວ, ລັດຖະບານຈີນໄດ້ອອກແຮງຊຸກຍູ້ວິສາຫະກິດອຸປະກອນການແພດໃຫ້ຟື້ນຟູການຜະລິດໂດຍຊ່ວຍວິສາຫະກິດແກ້ໄຂບັນຫາຕ່າງໆເປັນຕົ້ນ ການຂາດເຂີນອາໄຫຼ່ຊິ້ນສ່ວນ, ການຂົນສົ່ງສິນຄ້າບໍ່ສະດວກແລະອື່ນໆ. ປັດຈຸບັນ, ວິສາຫະກິດທີ່ກ່ຽວຂ້ອງຂອງຈີນໄດ້ເລັ່ງລັດການຜະລິດເຄື່ອງຊ່ວຍຫາຍໃຈຢ່າງຕໍ່ເນື່ອງ ເພື່ອສະໜັບສະໜູນການຕ້ານພະຍາດ COVID- 19ທົ່ວໂລກຕະຫຼອດມາ.
ຄຳເຫັນ
0