ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ມີນານີ້, ກອງປະຊຸມສາກົນລະຫວ່າງພັກການເມືອງອາຊີທີ່ເປັນອົງການເວທີປຶກສາຫາລືຫຼາຍຝ່າຍທີ່ສຳຄັນຂອງຄະນະພົວພັນຕ່າງປະເທດສູນກາງພັກກອມມູນິດຈີນ ກັບພັກການເມືອງເຂດອາຊີໄດ້ຮ່ວມກັນຈັດ “ກອງປະຊຸມຫົວຂໍ້ສະເພາະທາງອິນເຕີແນັດ” ເຊິ່ງໄດ້ແລກປ່ຽນຄວາມຄິດເຫັນທາງອິນເຕີແນັດເພື່ອຊຸກຍູ້ໃຫ້ບັນດາພັກການເມືອງອາຊີດຳເນີນການປຶກສາຫາລືດ້ານການປ້ອງກັນ ແລະຄວບຄຸມພະຍາດ COVID-19 ແລະຊຸກຍູ້ໃຫ້ບັນດາປະເທດໃນອາຊີເພີ່ມທະວີການແບ່ງປັນບົດຮຽນ ກໍຄືການຮ່ວມມືກັນຕ້ານພະຍາດ COVID-19.
ກອງປະຊຸມດັ່ງກ່າວໄດ້ຈັດຂຶ້ນທາງເນັດໃນເວັບໄຊພາສາອັງກິດທາງການຂອງຄະນະພົວພັນຕ່າງປະເທດສູນກາງພັກກອມມູນິດຈີນ ແລະກອງປະຊຸມສາກົນພັກການເມືອງອາຊີເຊິ່ງລວມມີຄໍລຳຕ່າງໆ ເຊັ່ນ: “ຄຳເຫັນຂອງພັກການເມືອງ”, “ການແບ່ງປັນບົດຮຽນຂອງຜູ້ຊ່ຽວຊານ”, “ການແລກປ່ຽນຄວາມຄິດເຫັນຮ່ວມກັນ”, “ການຮ່ວມມື” ແລະອື່ນໆ, ໄດ້ເຜີຍແຜ່ຄຳເຫັນຂອງຜູ້ນຳພັກການເມືອງອາຊີກ່ຽວກັບການຕ້ານພະຍາດ ກໍຄືບົດຮຽນ ແລະຂໍ້ມູນຂ່າວສານຫຼ້າສຸດຂອງບັນດາປະເທດໃນການຕ້ານພະຍາດ.
ຄຳເຫັນ
0