ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ຖ້ອຍຄວາມຂອງບຸກຄົນຝ່າຍຕາເວັນຕົກບາງຄົນທີ່ເວົ້າວ່າ: ຈີນຢາກຂະຫຍາຍອິດທິພົນໂດຍຜ່ານການໃຫ້ການຊ່ວຍເຫຼືອຕ້ານພະຍາດ, ວັນທີ 30 ມີນານີ້, ທ່ານນາງຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງວ່າ: ຫວັງວ່າຝ່າຍທີ່ກ່ຽວຂ້ອງຈະສາມາດເບິ່ງບັນຫາຢ່າງພາວະວິໄສຕໍ່ຄວາມເປັນຈິງທີ່ຈີນດຳເນີນການຮ່ວມມືສາກົນເພື່ອຕ້ານພະຍາດໂຄວິດ-19, ຄວນມີຖ້ອຍຄວາມ ແລະກະທຳໃນເລື່ອງທີ່ມີຜົນດີຕໍ່ການຮ່ວມມືສາກົນເພື່ອຕ້ານກັບພະຍາດໃຫ້ຫຼາຍກວ່າເກົ່າ.
ທ່ານນາງກ່າວເນັ້ນວ່າ: ເມື່ອຜະເຊີນໜ້າກັບພະຍາດ, ຈະບໍ່ມີປະເທດໃດໆສາມາດປົກປ້ອງພຽງແຕ່ຕົນເອງໄດ້ເທົ່ານັ້ນ, ມີແຕ່ສາມັກຄີແລະຮ່ວມມືກັນຈິ່ງຈະສາມາດຜ່ານຜ່າຄວາມຫຍຸ້ງຍາກໄດ້. ປະຊາຊົນຈີນຈະບໍ່ຫຼົງລືມການສະໜັບສະໜູນແລະການຊ່ວຍເຫຼືອອັນລ້ຳຄ່າຈາກປະຊາຄົມໂລກ ໃນໄລຍະທີ່ຫຍຸ້ງຍາກທີ່ສຸດທີ່ຈີນຕ້ານກັບສະພາບພະຍາດໂຄວິດ-19. ຊາດຈີນເປັນຊາດທີ່ຮູ້ບຸນຄຸນ ແລະຮູ້ຈັກຕອບແທນບຸນຄຸນ. ໃນຂະນະທີ່ສືບຕໍ່ປ້ອງກັນແລະຄວບຄຸມພະຍາດພາຍໃນປະເທດໃຫ້ດີ, ພວກຂ້າພະເຈົ້າກໍໄດ້ໃຫ້ການຊ່ວຍເຫຼືອແກ່ປະເທດອື່ນໆທີ່ມີຄວາມຕ້ອງການຕາມຄວາມສາມາດຂອງຕົນ. ສິ່ງທີ່ພວກຂ້າພະເຈົ້າພິຈາລະນາແລະລົງມືປະຕິບັດ ລ້ວນແຕ່ແມ່ນເພື່ອຊ່ວຍເຫຼືອປະເທດແລະປະຊາຊົນທີ່ມີຄວາມຕ້ອງການຕາມຄວາມສາມາດຂອງຕົນ, ຊ່ວຍຊູຍູ້ໜູນກັນ, ສະໜັບສະໜູນກັນກັບປະຊາຄົມໂລກ ເພື່ອກອບກູ້ຊີວິດແລະປົກປ້ອງຄວາມປອດໄພດ້ານຊີວິດແລະສຸຂະພາບຮ່າງກາຍຂອງປະຊາຊົນບັນດາປະເທດໃຫ້ຫຼາຍເທົ່າທີ່ຈະຫຼາຍໄດ້.
ທ່ານນາງກ່າວຕື່ມວ່າ: ວິສາຫະກິດທີ່ກ່ຽວຂ້ອງຂອງຈີນພວມເລັ່ງລັດການຜະລິດຢ່າງຕໍ່ເນື່ອງ ເພື່ອເພີ່ມຄວາມສາມາດໃນການສະໜອງອຸປະກອນປ້ອງກັນພະຍາດໃຫ້ຫຼາຍກວ່າເກົ່າໃຫ້ແກ່ປະເທດອື່ນໆທີ່ມີຄວາມຕ້ອງການ ແລະປະກອບສ່ວນເຂົ້າໃນການຕ້ານພະຍາດຢູ່ປະເທດອື່ນໆ.
ຄຳເຫັນ
0