ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ມີນານີ້, ຄະນະກຳມະການໂອລິມປິກສາກົນໄດ້ແຈ້ງຂ່າວທາງການ ໂດຍໄດ້ຕົກລົງວ່າ ງານກິລາໂອລິມປິກໂຕກຽວ 2020 ຈະຈັດຂຶ້ນແຕ່ວັນທີ 23 ກໍລະກົດຫາວັນທີ 8 ສິງຫາປີ 2021, ງານກິລາໂອລິມປິກຄົນພິການຈະຈັດຂຶ້ນແຕ່ວັນທີ 24 ສິງຫາຫາວັນທີ 5 ກັນຍາປີ 2021.
ຄະນະກຳມະການໂອລິມປິກສາກົນກ່າວວ່າ: ຂໍ້ຕົກລົງດັ່ງກ່າວໄດ້ຮັບການສະໜັບສະໜູນຈາກສະມາຄົມກິລາໂອລິມປິກລະດູຮ້ອນສາກົນທັງໝົດ ແລະຄະນະກຳມະການໂອລິມປິກຂອງປະເທດຕ່າງໆ ເຊິ່ງຂໍ້ຕົກລົງນີ້ໄດ້ພິຈາລະນາຈາກ 3 ດ້ານ ຄື: ການປົກປ້ອງສຸຂະພາບຮ່າງກາຍຂອງນັກກິລາແລະຜູ້ເຂົ້າຮ່ວມງານທຸກຄົນ, ປົກປ້ອງຜົນປະໂຫຍດຂອງນັກກິລາແລະກິລາໂອລິມປິກ ແລະໄດ້ພິຈາລະນາເຖິງການກຳນົດລາຍການການແຂ່ງຂັນກິລາສາກົນຢ່າງເຕັມສ່ວນ.
ຄຳເຫັນ
0