ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ພຶດສະພານີ້, ເຈົ້າໜ້າທີ່ກະຊວງສາທາລະນະສຸກກຳປູເຈຍກ່າວວ່າ, ມາຮອດຕອນເຊົ້າວັນທີ 16 ພຶດສະພານີ້, ກຳປູເຈຍໄດ້ລາຍງານຜູ້ເປັນພະຍາດໂຄວິດ-19 ລວມທັງໝົດ 122 ກໍລະນີ, ແຕ່ບໍ່ມີຜູ້ເສຍຊີວິດຍ້ອນພະຍາດດັ່ງກ່າວ, ຜູ້ຖືກບົ່ງມະຕິເປັນພະຍາດໂຄວິດ-19 ຜູ້ສຸດທ້າຍໄດ້ປົວຫາຍຂາດ ແລະ ອອກໂຮງໝໍໃນຕອນເຊົ້າວັນທີ 16 ພຶດສະພານີ້. ນັບແຕ່ວັນທີ 12 ເມສາເປັນຕົ້ນມາ, ກຳປູເຈຍບໍ່ໄດ້ລາຍງານວ່າ ມີຜູ້ເປັນພະຍາດໂຄວິດ-19 ທີ່ເພີ່ມໃໝ່ເປັນ 34 ວັນລຽນຕິດ. ມາຮອດປັດຈຸບັນນີ້, ກຳປູເຈຍບໍ່ມີຜູ້ເປັນພະຍາດໂຄວິດ-19 ທີ່ປິ່ນປົວຢູ່ໂຮງໝໍແລ້ວ.
ກະຊວງສາທາລະນະສຸກກຳປູເຈຍໄດ້ຮຽກຮ້ອງໃຫ້ປະຊາຊົນສືບຕໍ່ມີສະຕິລະວັງຕົວ, ປ້ອງກັນບໍ່ໃຫ້ພະຍາດແຜ່ລະບາດເປັນຄັ້ງທີ 2 ໂດຍຮຽກຮ້ອງໃຫ້ປະຊາຊົນໃສ່ຜ້າປິດປາກຕໍ່ໄປ, ໝັ່ນລ້າງມື, ໝັ່ນຂ້າເຊື້ອ, ຢ່າຊຸມແຊວກັນ ແລະ ຮັກສາໄລຍະຫ່າງໃນການຄົບຄ້າສະມາຄົມ.
ວັນທີ 15 ພຶດສະພານີ້, ທ່ານຮຸນເຊັນ ນາຍົກລັດຖະມົນຕີກຳປູເຈຍກ່າວວ່າ, ກຳປູເຈຍຈະສືບຕໍ່ປະຕິບັດມາດຕະການປ້ອງກັນແລະຄວບຄຸມພະຍາດໂຄວິດ-19, ໂຮງຮຽນທົ່ວປະເທດສືບຕໍ່ໂຈະການຮຽນ, ໂຮງຢີມ ແລະ ໂຮງຮູບເງົາຕ່າງໆຈະສືບຕໍ່ໂຈະການບໍລິການ.
ຄຳເຫັນ
0