ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI : ວັນທີ 19 ພຶດສະພານີ້ຕາມເວລາທ້ອງຖິ່ນ, ວາລະສານແພດສາດ “ເດີລານເຊ” ທີ່ມີຊື່ສຽງໄດ້ອອກຖະແຫຼງການໂດຍຊີ້ອອກວ່າ, ຈົດໝາຍທີ່ທ່ານໂດນັນ ທຣຳ, ປະທານາທິບໍດີອາເມລິກາສົ່ງໄປຍັງອົງການອະນາໄມໂລກຫຼື WHO ໃນວັນທີ 18 ພຶດສະພານີ້ມີຄວາມຜິດພາດດ້ານຄວາມຈິງ
ໃນຈົດໝາຍທ່ານໂດນັນ ທຣຳກ່າວວ່າ, ລັດຖະບານອາເມລິກາສຳຫຼວດເຫັນວ່າ WHO ໄດ້ເບິ່ງຂ້າມລາຍງານທີ່ໜ້າເຊື່ອຖືຂອງອົງການຕ່າງໆລວມທັງວາລະສານ “ເດີລານເຊ”ທີ່ລາຍງານໃນຕົ້ນເດືອນທັນວາປີ 2019 ຫຼືໃນເວລາກ່ອນກວ່ານັ້ນ, ເຊິ່ງການລາຍງານເຫຼົ່ານີ້ໄດ້ຢືນຢັນວ່ານະຄອນອູຮ້ານເກີດການແຜ່ລະຂອງເຊື້ອພະຍາດຊະນິດໃດໜຶ່ງ.
ທ່ານຣິຊາ ໂຫໂຕນ, ບັນນາທິການໃຫຍ່ຂອງວາລະສານ “ເດີລານເຊ” ຕອບໂຕ້ກ່ຽວກັບເລື່ອງນີ້ວ່າ, “ຄຳເວົ້າຂອງທ່ານທຣຳດັ່ງກ່າວມີຄວາມຜິດພາດໃນດ້ານເລື່ອງຄວາມເປັນຈິງ”, ເພາະວ່າວາລະສານສະບັບນີ້ບໍ່ໄດ້ເຜີຍແຜ່ບົດລາຍງານກ່ຽວກັບເຊື້ອໄວຣັດຫຼືພະຍາດທີ່ກ່ຽວຂ້ອງແຜ່ລະບາດຢູ່ນະຄອນອູຮ້ານຫຼືບ່ອນອື່ນຂອງຈີນໃນຕົ້ນເດືອນທັນວາປີ 2019 ແລ້ວນີ້, ແລະບົດລາຍງານທີ່ກ່ຽວຂ້ອງສະບັບທຳອິດທີ່ເຜີຍແຜ່ໂດຍວາລະສານ “ດັ່ງກ່າວ” ແມ່ນວັນທີ 24 ມັງກອນປີ 2020 ນີ້.
ຄຳເຫັນ
0