ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 21 ພຶດສະພານີ້, ທ່ານເຈໂຣມ ໂບເວນ, ປະທານທະນາຄານກາງຂອງສະຫະພັນອາເມລິກາຫຼື FED ກ່າວວ່າ, ສະພາບພະຍາດໂຄວິດ-19 ໄດ້ເຮັດໃຫ້ເສດຖະກິດຂອງອາເມລິກາຖອຍຫຼັງຢ່າງໜັກໜ່ວງ, ຄົນອາເມລິກາທີ່ທຸກຍາກໄດ້ຮັບຜົນກະທົບທາງລົບຫຼາຍກວ່າ.
ທ່ານເຈໂຣມ ໂບເວນກ່າວໃນເວລາເຂົ້າຮ່ວມກິດຈະກຳຂອງຄຸ້ມເຮືອນຢູ່ແຫ່ງໜຶ່ງໃນວັນທີ 21 ພຶດສະພານີ້ວ່າ, ສະພາບພະຍາດເຮັດໃຫ້ອາເມລິກາມີການຖອຍຫຼັງດ້ານເສດຖະກິດຢ່າງກະທັນຫັນແລະໜັກໜ່ວງ, ຕະຫຼາດການປະກອບອາຊີບທີ່ມີການເຕີບໂຕຢ່າງຕໍ່ເນື່ອງໃນຮອບ 10 ປີມານີ້ໄດ້ຖືກກະທົບຢ່າງໜັກໜ່ວງ, ມວນຊົນອາເມລິກາກໍຖືກກະທົບຢ່າງໃຫຍ່ຫຼວງເຊັ່ນກັນ. ແຕ່ວ່າ, ສະພາບພະຍາດມີຜົນກະທົບຕ່າງກັນຕໍ່ກຸ່ມຄົນທີ່ຕ່າງກັນ, ຄົນອາເມລິກາທີ່ມີສະພາບການເງິນບໍ່ຄ່ອຍດີນັ້ນຈະຖືກກະທົບທາງລົດຫຼາຍກວ່າ.
ສະພາບພະຍາດໄດ້ທຳລາຍຕະຫຼາດແຮງງານຂອງອາເມລິກາຢ່າງໜັກ. ກະຊວງແຮງງານອາເມລິກາໄດ້ເຜີຍແຜ່ຕົວເລກໃນວັນທີ 21 ພຶດສະພານີ້ວ່າ, ໃນ 9 ອາທິດທີ່ຜ່ານມາ, ຈຳນວນຄົນທີ່ຮ້ອງຂໍການເກືອກຸນດ້ານການຫວ່າງງານເປັນຄັ້ງທຳອິດນັ້ນນັບລວມແລ້ວບັນລຸ 38 ລ້ານ 9 ແສນຄົນ. ໃນເດືອນເມສາແລ້ວນີ້, ອັດຕາຫວ່າງງານຂອງອາເມລິກາເພີ່ມຂຶ້ນຮອດ 14,7%, ແມ່ນອັດຕາສູງສຸດພາຍຫຼັງໄດ້ເກີດການຊຸດໂຊມລົງດ້ານເສດຖະກິດຢ່າງໃຫຍ່ໃນຊຸມປີ 1930 ເປັນຕົ້ນມາ .
ຄຳເຫັນ
0