黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao
  • ​​ຮູບພາບ
  • ​ວີ​ດີ​ໂອ

ການ​ໄຂ​ກອງ​ປະ​ຊຸມ​ສອງ​ສະ​ພາ​​ເປັນ​ຂີດ​ໝາຍ​ທີ່​ຈີນສາມາດ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ໄດ້ຢ່າງ​ເຖິງ​ຖອງ

2020-05-22 15:52:54 cri

ຕອນ​ບ່າຍ​ວັນ​ທີ 21 ພຶດ​ສະ​ພາ​ນີ້, ກອງ​ປະ​ຊຸມສະພາ​ປະຊາຊົນ​ແຫ່ງ​ຊາດ ​ແລະ ກອງປະຊຸມສະພາ​ປຶກສາ​ການ​ເມືອງ​ປະຊາຊົນ​ແຫ່ງ​ຊາດ​ຈີນ ຫຼື ​ເອີ້ນ​ຫຍໍ້​ວ່າ ກອງ​ປະຊຸມ​ສອງ​ສະ​ພາ​ປີ 2020 ທີ່​ໄດ້​ເລື່ອນ​ເວ​ລາອອກ​ໄປ​ເຖິງ 79 ວັນ​ຍ້ອນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ. ນີ້​ແມ່ນ​ຈີນ​​ເລື່ອນ​ເວ​ລາ​ການຈັດ​ກອງ​ປະ​ຊຸມ​ສອງ​ສະ​ພາ​ເປັນ​ຄັ້ງ​ທຳ​ອິດ​ໃນຮອບ 23 ປີ​ມາ​ນີ້, ໄລ​ຍະ​ປະ​ຊຸມ​ກໍ​​ສັ້ນ​ກວ່າ​ກອງ​ປ​ະ​ຊຸມ​ສອງ​ສະ​ພາ​ທີ່​ເຄີຍ​ໄດ້​ຈັດ​ຂຶ້ນ​ຜ່ານ​ມາ.

​ຈີນ​ໄດ້​ປະ​ກາດວ່າ​ຈະ​ຈັດ​ກອງ​ປະ​ຊຸມ​ສອງ​ສະ​ພາ​ປີ 2020 ຕາມ​ປົກ​ກະ​ຕິ​ໃນ​ວັນ​ທີ 28 ທັນ​ວາ​ປີ​ຜ່ານ​ມາ, ​ແຕ່​ເມື່ອຮອດ​ວັນ​ທີ 24 ມັງ​ກອນ​ປີນີ້ກໍ​ໄດ້​ປະ​ກາດ​​ເລື່ອນ​ເວ​ລາ​ຈັດ​ກອງ​ປະ​ຊຸມ​ສອງ​ສະ​ພາອອກ​ໄປ, ຈົນ​ຮອດ​ວັນ​ທີ 29 ເມ​ສາປີ​ນີ້, ຈີນຈຶ່ງ​ໄດ້​ປະ​ກາດ​ວ່າ​ຈະ​ຈັດ​ກອງ​ປະ​ຊຸມ​ຄັ້ງ​ທີ 3 ຂອງ​ສະ​ພາ​ປຶກ​ສາ​ການ​ເມືອງ​ແຫ່ງ​ຊາດ​ສະ​ໄໝ​ທີ 13 ໃນ​ວັນ​ທີ 21 ພຶດ​ສະ​ພາ​ນີ້, ແລະ​ຈະຈັດ​ກອງ​ປະ​ຊຸມ​ຄັ້ງ​ທີ 3 ຂອງ​ສະ​ພາ​ປະ​ຊາ​ຊົນ​ແຫ່ງ​ຊາດ​​ສະ​ໄໝ​ທີ 13 ໃນ​ວັນ​ທີ 22 ພຶດ​ສະ​ພາ​ນີ້, ເລື່ອງ​ສຳ​ຄັນທາງ​ດ້ານ​ຊີວິດການ​ເມືອງ​ຂອງ​ຈີນ​ດັ່ງ​ກ່າວ​ໄດ້​ຮັບ​ຜົນ​ສະ​ທ້ອນ​ຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ​ແລະກໍ​ໄດ້​​ຈັດ​ເຂົ້າ​ໃນໝາຍ​ກຳນົດ​ການ​ຍ້ອນ​ໄດ້​ຮັບ​ໝາກ​ຜົນ​ຍຸດ​ທະ​ສາດ​ໃນ​​ການ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດດັ່ງກ່າວ.

ກ່ອນ​ຈະ​ຈັດ​ກອງ​ປະ​ຊຸມ​ສອງ​ສະ​ພາ, ສູນ​ກາງ​ພັກ​ກອມ​ມູ​ນິດ​ຈີນ​ໄດ້​ຈັດ​ກອງ​ປະຊຸມ​ສົນທະນາກັບ​ບຸກ​ຄົນທີ່​ບໍ່​​ແມ່ນ​ສະ​ມາ​ຊິກ​ພັກ​ກອມ​ມູ​ນິດ​ຈີນ​ກ່ຽວ​ກັບ​ວຽກ​ງານ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ທ່ານ​ສີ​ຈິ້ນ​ຜິງ ​ເລ​ຂາ​ທິການ​ໃຫຍ່​ຄະນະ​ກຳມະການ​ສູນ​ກາງ​ພັກ​ກອມ​ມູນິດ​ຈີນ​ເປັນ​ປະ​ທານກອງ​ປະຊຸມ​ແລະ​ກ່າວ​ປາ​ໄສ​ສຳ​ຄັນ.

ສະ​ນັ້ນ​ຈຶ່ງ​ມີ​ສື່ມວນ​ຊົນ​ຕ່າງ​ປະ​ເທດ​​ໄດ້​ວິນິດ​ໄສ​ວ່າ: “ການ​ຈັດ​ກອງ​ປະ​ຊຸມ​ສອງ​ສະ​ພາ​ຂອງ​ຈີນ​ບໍ່​ພຽງ​ແຕ່​ແມ່ນ​ລະ​ບຽບ​ການ​ທາງການ​ເມືອງ​​ແບບປະ​ຈຳ​​ເທົ່າ​ນັ້ນ, ຍັງ​ເປັນຂີດ​ໝາຍ​ທີ່​ຈີນ​ສາ​ມາດ​ປ້ອງ​ກັນ​ແລະ​ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ໄດ້ຢ່າງ​ເຖິງ​ຖອງອີກ​ດ້ວຍ.”

ຄຳ​ເຫັນ

0