ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ກອງປະຊຸມສະພາປຶກສາການເມືອງແຫ່ງຊາດຈີນຄັ້ງທີ 3 ສະໄໝທີ 13 ແລະກອງປະຊຸມສະພາຜູ້ແທນປະຊາຊົນແຫ່ງຊາດຈີນຄັ້ງທີ 3 ສະໄໝທີ 13 ໄດ້ໄຂຂຶ້ນໃນມໍ່ໆນີ້. ທ່ານໄພສານ ພຶກມົງຄົນ, ຮອງປະທານສະມາຄົມເສດຖະກິດວັດທະນາທຳໄທຈີນ, ຊ່ຽວຊານບັນຫາສາກົນໄທກ່າວວ່າ, “ກອງປະຊຸມສອງສະພາ”ຂອງຈີນຈະມີຜົນສະທ້ອນເລິກເຊິ່ງຍາວໄກຕໍ່ໂລກ.
ທ່ານໄພສານ ພຶກມົງຄົນເຫັນວ່າ, ກອງປະຊຸມສອງສະພາຂອງຈີນແມ່ນໄດ້ໄຂຂຶ້ນພາຍໃຕ້ເບື້ອງຫຼັງສາກົນທີ່ພິເສດຫຼາຍມີສະພາບພະຍາດໂຄວິດ-19 ແຜ່ລະບາດໃນທົ່ວໂລກຢ່າງຮ້າຍແຮງ, ສະຖານະການພາກພື້ນມີທ່າອ່ຽງເຄັ່ງຕຶງຂຶ້ນແລະເສດຖະກິດໂລກຜະເຊີນໜ້າກັບວິກິດການຢ່າງໜັກໜ່ວງ. ລັດຖະບານຈີນໄດ້ຍຶດໝັ້ນສົ່ງເສີມການຮ່ວມມືສາກົນໂດຍຕະຫຼອດ, ເປັນການເພີ່ມກຳລັງໃຈຢ່າງແຂງແຮງໃຫ້ທົ່ວໂລກໃນການເອົາຊະນະສະພາບພະຍາດ.
ທ່ານໄພສານ ພຶກມົງຄົນເຫັນວ່າ, ກອງປະຊຸມສອງສະພາຂອງຈີນ ໄດ້ສົ່ງສັນຍານສັນຕິພາບ, ປອງດອງກັນແລະເຂົ້າໃຈເຊິ່ງກັນແລະກັນໃຫ້ແກ່ທົ່ວໂລກ, ສອດຄ່ອງກັບສະພາບການສາກົນໃນປັດຈຸບັນນີ້. ປັດຈຸບັນເສດຖະກິດທົ່ວໂລກລ້ວນແຕ່ໄດ້ຜະເຊີນໜ້າກັບວິກິດການຢ່າງໜັກໜ່ວງ, ພຽງແຕ່ການຄ້າເສລີເທົ່ານັ້ນຈຶ່ງສອດຄ່ອງກັບຜົນປະໂຫຍດຮ່ວມຂອງທົ່ວໂລກ, ຈີນແມ່ນຜູ້ລິເລີ່ມແລະຜູ້ປະຕິບັດຢ່າງເດັດດ່ຽວຂອງການຄ້າເສລີຫຼາຍຝ່າຍ. “ກອງປະຊຸມສອງສະພາ”ຂອງຈີນຍັງໄດ້ສົ່ງສັນຍານທີ່ເສດຖະກິດຈີນຟື້ນຟູຄວາມໝັ້ນທ່ຽງຕໍ່ທົ່ວໂລກ, ແລະຈະເພີ່ມກຳລັງໃຈເຂົ້າໃນການຟື້ນຟູຄວາມຈະເລີນຮຸ່ງເຮືອງດ້ານເສດຖະກິດຂອງໂລກ.
ຄຳເຫັນ
0