ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 22 ພຶດສະພານີ້, ທ່ານນາງ ຄາຣີ ລຳແຊງ ເຢັດງໍ ຜູ້ວ່າການເຂດບໍລິຫານພິເສດຮົງກົງນຳພາຫົວໜ້າທຸກກົມກອງແລະສະມາຊິກສະພາບໍລິຫານງານຈັດກອງປະຊຸມຂ່າວ, ໂດຍກ່າວວ່າ, ອົງການປົກຄອງເຂດພິເສດຮົງກົງສະໜັບສະໜູນສະພາຜູ້ແທນປະຊາຊົນແຫ່ງຊາດຈີນປັບປຸງແລະບູລະນະລະບຽບກົດໝາຍແລະກົນໄກປະຕິບັດກົດໝາຍຕ່າງໆເພື່ອປົກປັກຮັກສາຄວາມໝັ້ນຄົງແຫ່ງຊາດຂອງເຂດພິເສດຮົງກົງ, ເຫັນວ່າ ວຽກງານນິຕິບັນຍັດທີ່ກ່ຽວຂ້ອງມີຄວາມຈຳເປັນ, ກໍ່ມີຄວາມຮີບດ່ວນເຊັ່ນກັນ.
ທ່ານນາງ ຄາຣີ ລຳແຊງ ເຢັດງໍ ກ່າວວ່າ, ຮົງກົງກັບຄືນສູ່ປະເທດຈີນເກືອບ 23 ປີແລ້ວ, ພາຍໃຕ້ຂໍ້ມາດຕາທີ 23 ຂອງກົດໝາຍພື້ນຖານ, ຮົງກົງຄວນວາງກົດໝາຍຂອງຕົນເອງກ່ຽວກັບການຫ້າມການກະທຳທີ່ທຳຮ້າຍຄວາມໝັ້ນຄົງຂອງຊາດ, ແຕ່ຍ້ອນສາເຫດຕ່າງໆ ປັດຈຸບັນວຽກດັ່ງກ່າວຍັງບໍ່ມີຄວາມຄືບໜ້າໃດໆ.
ທ່ານນາງກ່າວວ່າ, ໃນໜຶ່ງປີທີ່ຜ່ານມາ, ຮົງກົງໄດ້ປະກົດໃຫ້ເຫັນຄວາມສ່ຽງທີ່ມີອັນຕະລາຍເຖິງຄວາມໝັ້ນຄົງແຫ່ງຊາດນັບມື້ນັບເດັ່ນຊັດ, ມີອົງການຈັດຕັ້ງເປີດປ່າວ “ຮົງກົງເອກະລາດ”, ປຸກປັ່ນໃຫ້ຈັດການສະແດງກຳລັງ, ໃສ່ຮ້າຍປ້າຍສີຕໍ່ພຶດຕິກຳຂອງ “ປະເທດດຽວສອງລະບອບ”ປະຕິບັດຢູ່ຮົງກົງ, ທຳລາຍການພົວພັນລະຫວ່າງສູນກາງກັບຮົງກົງ, ທັງຮ້ອງຂໍຢ່າງເປີດແປນໃຫ້ຕ່າງປະເທດມາແຊກແຊງວຽກງານພາຍໃນຮົງກົງ, ທ້າທາຍອຳນາດຂອງລັດຖະບານສູນກາງແລະອົງການປົກຄອງເຂດບໍລິຫານພິເສດ, ແລະທ້າທາຍເສັ້ນເພດານຂອງ “ປະເທດດຽວ”ຢ່າງໜັກໜ່ວງ.
ໃນຕໍ່ໜ້ານີ້, ເຂດບໍລິຫານພິເສດຮົງກົງຈະສົມທົບກັບສະພາຜູ້ແທນປະຊາຊົນແຫ່ງຊາດຈີນຢ່າງສຸດຂີດ ເພື່ອສຳເລັດວຽກງານນິຕິບັນຍັດທີ່ກ່ຽວຂ້ອງ, ປະຕິບັດໜ້າທີ່ປົກປັກຮັກສາຄວາມໝັ້ນຄົງຂອງຊາດ, ຮັບປະກັນໃຫ້ຮົງກົງມີຄວາມຈະເລີນຮຸ່ງເຮືອງແລະຄວາມໝັ້ນທ່ຽງຍາວນານພາຍໃຕ້ “ປະເທດດຽວສອງລະບອບ”.
ຄຳເຫັນ
0