ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 22 ພຶດສະພານີ້, ກະຊວງການຕ່າງປະເທດຣັດເຊຍແຈ້ງວ່າ, ຣັດເຊຍໄດ້ຮັບຈົດໝາຍຢ່າງເປັນທາງການຂອງອາເມລິກາກ່ຽວກັບການຖອນອອກຈາກ “ສົນທິສັນຍາເປີດນ່ານຟ້າ”, ຖ້າວ່າຣັດເຊຍບໍ່ໄດ້ຕອບສະໜອງຕໍ່ເງື່ອນໄຂຕ່າງໆທີ່ສະເໜີໂດຍອາເມລິກາກ່ອນວັນທີ 22 ເດືອນພະຈິກປີ 2020 ນີ້, ອາເມລິກາຈະຖອນອອກຈາກ “ສົນທິສັນຍາເປີດນ່ານຟ້າ”. ທ່ານເຊີແກ ຣີຢາໂຄຟ, ຮອງລັດຖະມົນຕີກະຊວງການຕ່າງປະເທດຣັດເຊຍກ່າວວ່າ, ຣັດເຊຍຍິນດີສືບຕໍ່ດຳເນີນການສົນທະນາພາຍໃຕ້ຂອບຂອງ “ສັນຍາການເປີດກວ້າງທ້ອງຟ້າ”, ແຕ່ວ່າເງື່ອນໄຂທີ່ສະເໜີໂດຍອາເມລິກາແມ່ນເດັດຂາດຍອມຮັບບໍ່ໄດ້. ທ່ານຊີ້ອອກວ່າ, ອາເມລິກາຖອນອອກຈາກ “ສົນທິສັນຍາເປີດນ່ານຟ້າ” ແມ່ນອີກບາດກ້າວໜຶ່ງຂອງລັດຖະບານອາເມລິກາທີ່ເຮັດໃຫ້ລະບົບຄວາມໝັ້ນຄົງທົ່ວໂລກພັງທະລາຍ. “ສົນທິສັນຍາດັ່ງກ່າວ” ກ່ຽວພັນເຖິງ 34 ປະເທດ, ອາເມຣິກາຖອນຕົວໝາຍຄວາມວ່າສັນຍາບໍ່ຄົງຕົວໄດ້. ຣັດເຊຍຈະອີງຕາມຜົນປະໂຫຍດຂອງປະເທດຕົນເອງ, ສືບຕໍ່ປະສານສົມທົບກັບປະເທດອື່ນໆເພື່ອຊຸກຍູ້ການຈັດຕັ້ງປະຕິບັດສົນທິສັນຍາດັ່ງກ່າວ.
ຄຳເຫັນ
0