ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ພຶດສະພານີ້, ທິມງານຄົ້ນຄວ້າຂອງຈີນໄດ້ລົງພິມບົດລາຍງານຢູ່ວາລະສານແພດສາດອັງກິດ《The Lancet》ໂດຍຂຽນວ່າ: ພາຍຫຼັງໄດ້ດຳເນີນການທົດລອງຢາວັກແຊງກັນພະຍາດໂຄວິດ-19 ຊະນິດໜຶ່ງໃນໄລຍະທີ 1 ແລ້ວ, ຜົນການທົດລອງສະແດງໃຫ້ເຫັນວ່າ, ຢາວັກແຊງຊະນິດນີ້ມີຄວາມປອດໄພ, ແລະສາມາດເຮັດໃຫ້ຮ່າງກາຍມະນຸດເກີດມີຄວາມສາມາດຕ້ານທານຢ່າງວ່ອງໄວ.
ທ່ານນາງບັນດິດ ເສິນເວີ່ຍ ຂອງສຳນັກງານຄົ້ນຄວ້າໂຄງການຊີວະວິທະຍາຂອງສະຖາບັນຄົ້ນຄວ້າແພດສາດການທະຫານສະພາບັນດິດວິທະຍາສາດການທະຫານຈີນພ້ອມດ້ວຍທິມງານໄດ້ດຳເນີນການທົດລອງດັ່ງກ່າວ. ອາສາສະໝັກເຕັມອາຍຸກະສຽນທີ່ແຂງແຮງຈຳນວນ 108 ຄົນໄດ້ເຂົ້າຮ່ວມການທົດລອງ, ຜູ້ຮ່ວມມີອາຍຸລະຫວ່າງ 18 ຫາ 60 ປີ. ພາຍໃນ 28 ວັນພາຍຫຼັງໄດ້ສັກຢາວັກແຊງແລ້ວ, ຢາວັກແຊງດັ່ງກ່າວໄດ້ສະແດງໃຫ້ເຫັນຄວາມໝັ້ນຄົງທີ່ດີ, ແລະບໍ່ໄດ້ພາໃຫ້ເກີດມີອາການຄຽງຂ້າງທີ່ບໍ່ດີຢ່າງໜັກໜ່ວງ.
ໃນບົດຂ່າວທີ່ລົງພິມຢູ່ວາລະສານ《The Lancet》, ທ່ານນາງເສິນເວີ່ຍກ່າວວ່າ:“ຜົນການທົດລອງເຫຼົ່ານີ້ເປັນຫຼັກໝາຍທາງທີ່ສຳຄັນ”. ແຕ່ວ່າ, ການຄົ້ນຄວ້າຢາວັກແຊງກັນພະຍາດໂຄວິດ-19 ໃຫ້ເກີດມີຄວາມສາມາດຕ້ານທານ ຍັງບໍ່ທັນໝາຍຄວາມວ່າຢາວັກແຊງດັ່ງກ່າວສາມາດປ້ອງກັນບໍ່ໃຫ້ຄົນທັງຫຼາຍຕິດເຊື້ອໂຄວິດ-19 ໄດ້ເທື່ອ, ພວກເຮົາຍັງຕ້ອງເຮັດວຽກຫຼາຍແລະຜ່ານເວລາດົນຈຶ່ງສາມາດໄປຮອດຂັ້ນຕອນທີ່ໃຫ້ມະນຸດນຳໃຊ້ວັກແຊງນີ້ໂດຍທົ່ວໄປ.
ຕາມວາລະສານ《The Lancet》ສະເໜີໃຫ້ຮູ້ວ່າ, ການຄົ້ນຄວ້າຜະລິດຢາວັກແຊງທີ່ບັງເກີດຜົນແມ່ນແຜນການແກ້ໄຂການລະບາດຂອງພະຍາດໂຄວິດ-19 ຢ່າງຍາວນານ, ປະຈຸບັນ, ໃນທົ່ວໂລກມີຢາວັກແຊງກັນພະຍາດໂຄວິດ-19 ຫຼາຍກວ່າ 100 ຊະນິດກຳລັງຢູ່ໃນໄລຍະການຄົ້ນຄວ້າຜະລິດ.
ຄຳເຫັນ
0