ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ພຶດສະພານີ້, ອົງການຊາວຍົກຍ້າຍສາກົນທີ່ມີສຳນັກງານໃຫຍ່ຕັ້ງຢູ່ເຊີແນວອອກຖະແຫຼງການວ່າ, ໃນໄລຍະພະຍາດໂຄວິດ-19 ແຜ່ລະບາດຢ່າງໃຫຍ່, ການເກີດມີຄວາມຢ້ານກົວແລະຄວາມບໍ່ແນ່ນອນ ແມ່ນເຂົ້າໃຈໄດ້, ແຕ່ຄວາມຢ້ານກົວດັ່ງກ່າວບໍ່ຄວນກາຍເປັນມູນເຫດທີ່ກາຍເປັນຄວາມຄຽດແຄ້ນຊາວຕ່າງປະເທດແລະລັດທິຈຳແນກເຊື້ອຊາດ. ສະນັ້ນ, ການເຜີຍແຜ່ຂໍ້ມູນຂ່າວສານອັນຖືກຕ້ອງກ່ຽວກັບການແຜ່ລະບາດຂອງພະຍາດຕໍ່ສາທາລະນະຊົນແມ່ນສຳຄັນທີ່ສຸດ.
ເພື່ອຮັບປະກັນບໍ່ໃຫ້ຊາວຍົກຍ້າຍຖືກຂົ່ມຂູ່ຈາກແນວຄິດຄຽດແຄ້ນຊາວຕ່າງປະເທດແລະການດູໝິ່ນ, ອົງການຊາວຍົກຍ້າຍສາກົນຮຽກຮ້ອງໃຫ້ມີການລາຍງານເລື່ອງຄວາມເປັນຈິງແລະຂໍ້ມູນຕາມຫຼັກວິທະຍາສາດ, ເພື່ອຫຼີກເວັ້ນບໍ່ໃຫ້ເກີດມີອາລົມຄຽດແຄ້ນຊາວຕ່າງປະເທດແລະການດູໝິ່ນເຊື້ອຊາດ; ຈັດວາງນະໂຍບາຍທີ່ສຸມໃສ່ການຊຸກຍູ້ການເຕົ້າໂຮມກຳລັງສັງຄົມ; ປ້ອງກັນແລະຊຳລະການກະທຳທີ່ດູໝິ່ນແລະການເສື່ອມເສຍຊື່ສຽງປະເທດອື່ນ ທີ່ເກີດຂຶ້ນໃນການຕ້ານພະຍາດຂອງປະເທດຕ່າງໆ, ເຊິ່ງລວມທັງພະຍາຍາມປ້ອງກັນບໍ່ໃຫ້ເກີດຄວາມຮຸນແຮງແລະການຄຽດແຄ້ນທີ່ແນໃສ່ຊາວຍົກຍ້າຍແລະກຸ່ມຄົນສັນຊາດຫຼືເຊື້ອຊາດໃດໜຶ່ງ.
ຄຳເຫັນ
0