ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ມິຖຸນານີ້, ທ່ານນາງມີແຊນ ບາເຊວເລດ ເຈົ້າໜ້າທີ່ລະດັບສູງດ້ານວຽກງານສິດທິມະນຸດຂອງອົງການສະຫະປະຊາຊາດໄດ້ອອກຖະແຫຼງການ 2 ວັນລຽນຕິດ, ທ່ານນາງກ່າວວ່າ: ຖ້າຢາກໃຫ້ສະພາບການທີ່ໜ້າສັງເວດທີ່ເກີດຈາກລັດທິຈຳແນກເຊື້ອຊາດຜີວພັນ ແລະການໃຊ້ກຳລັງຮຸນແຮງສິ້ນສຸດລົງ, ຕ້ອງຮັບຟັງ ແລະແກ້ໄຂຂໍ້ຮຽກຮ້ອງໃຈກາງຂອງການປະທ້ວງທີ່ເກີດຂຶ້ນຢູ່ຫຼາຍກວ່າ 100 ຕົວເມືອງຂອງອາເມຣິກາ.
ທ່ານນາງກ່າວຕື່ມວ່າ: ຕ້ອງຮັບຟັງສຽງຮຽກຮ້ອງໃຫ້ຢຸດຕິການເຂັ່ນຂ້າພົນລະເມືອງອາເມຣິກາເຊື້ອສາຍອາຟຣິກາທີ່ບໍ່ມີອາວຸດ, ຕ້ອງຮັບຟັງສຽງຮຽກຮ້ອງໃຫ້ຢຸດຕິການບັງຄັບໃຊ້ກົດໝາຍດ້ວຍຄວາມຮຸນແຮງຂອງຕຳຫຼວດ, ຕ້ອງຮັບຟັງສຽງຮຽກຮ້ອງໃຫ້ຕໍ່ຕ້ານລັດທິຈຳແນກເຊື້ອຊາດຜີວພັນທີ່ມີລັກສະນະທ້ອງຖິ່ນ ແລະໂຄງປະກອບທີ່ເກີດຂຶ້ນຢ່າງຮ້າຍແຮງໃນສັງຄົມອາເມຣິກາ. ທ່ານນາງກ່າວເນັ້ນວ່າ: ບໍ່ວ່າເວລາໃດ, ໂດຍສະເພາະເມື່ອເກີດວິກິດການ, ຜູ້ນຳຂອງຊາດໜຶ່ງຕ້ອງກ່າວປະນາມລັດທິຈຳແນກເຊື້ອຊາດຜີວພັນຢ່າງຈະແຈ້ງ, ຕ້ອງພິຈາລະນາຄືນສາເຫດທີ່ເຮັດໃຫ້ປະຊາຊົນໂມໂຫ, ຕ້ອງຮຽນຮູ້ການຮັບຟັງ ແລະຮ່ຳຮຽນໃຫ້ຫຼາຍ, ທັງນຳໃຊ້ການກະທຳທີ່ສາມາດແກ້ໄຂບັນຫາຄວາມບໍ່ສະເໝີພາບໄດ້ຢ່າງແທ້ຈິງ.
ຄຳເຫັນ
0