ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ມິຖຸນານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ຈຸດປະສົງພືນຖານຂອງມະຕິຕົກລົງຂອງສະພາປະຊາຊົນແຫ່ງຊາດຈີນ ກໍຄືການສ້າງກົດໝາຍທີ່ກ່ຽວຂ້ອງໃນບາດກ້າວຕໍ່ໄປແມ່ນເພື່ອປົກປັກຮັກສາອະທິປະໄຕ, ຄວາມໝັ້ນຄົງ ແລະຜົນປະໂຫຍດແຫ່ງການພັດທະນາຂອງຊາດ, ຮັບປະກັນຄວາມໝັ້ນຄົງຖາວອນ ແລະຄວາມຈະເລີນຮຸ່ງເຮືອງແບບຍາວນານຢູ່ຮົງກົງ, ຮັບປະກັນແນວທາງ “ປະເທດດຽວສອງລະບອບ” ໃຫ້ສາມາດຈັດຕັ້ງປະຕິບັດໄດ້ຢ່າງໝັ້ນທ່ຽງໃນໄລຍະຍາວ ເຊິ່ງບໍ່ພຽງແຕ່ມີຜົນດີຕໍ່ຜົນປະໂຫຍດພື້ນຖານຂອງຮົງກົງເທົ່ານັ້ນ ຍັງມີຜົນດີຕໍ່ຜົນປະໂຫຍດຮ່ວມກັນຂອງປະຊາຄົມໂລກອີກດ້ວຍ.
ການສ້າງກົດໝາຍຮັກສາຄວາມໝັ້ນຄົງແຫ່ງຊາດກ່ຽວກັບຮົງກົງຂອງສະພາປະຊາຊົນແຫ່ງຊາດຈີນໄດ້ພາໃຫ້ບາງປະເທດຕາເວັນມີຂໍ້ສົງໄສ, ແຕ່ໄດ້ມີຫຼາຍປະເທດໄດ້ໃຫ້ການສະໜັບສະໜູນມາດຕະການຂອງຈີນ, ເພາະເຫັນວ່ານີ້ແມ່ນການກະທຳເປັນທຳທີ່ຖືກຕ້ອງໃນການປົກປັກຮັກສາອະທິປະໄຕ, ຄວາມໝັ້ນຄົງ ແລະຜົນປະໂຫຍດການພັດທະນາຂອງຊາດ ເຊິ່ງຈະສົ່ງຜົນປະໂຫຍດໃຫ້ກັບການຮັກສາຄວາມໝັ້ນຄົງ ແລະຄວາມຈະເລີນຮຸ່ງເຮືອງຂອງຮົງກົງ, ອິດທິກຳລັງພາຍນອກໃດໆກໍບໍ່ມີສິດເຂົ້າແຊກແຊງໄດ້.
ຕໍ່ເລື່ອງນີ້, ທ່ານຈ້າວລີ້ຈ່ຽນກ່າວວ່າ: ນັບແຕ່ເຂດຮົງກົງກັບຄືນສູ່ປະເທດຊາດເປັນຕົ້ນມາ, ແນວທາງ “ປະເທດດຽວສອງລະບອບ”, “ປະຊາຊົນຮົງກົງປົກຄອງຮົງກົງ” ແລະທິດທາງປົກຄອງຕົນເອງໃນລະດັບສູງໄດ້ຮັບການຈັດຕັ້ງປະຕິບັດຢ່າງແທ້ຈິງ, ປະຊາຊົນຮົງກົງຊົມໃຊ້ສິດທິຕ່າງໆ ແລະສິດເສລີພາບໄດ້ຣັບການຮັບປະກັນຕາມກົດໝາຍຢ່າງເຕັມສ່ວນເຊິ່ງປະຊາຄົມໂລກໄດ້ຍອມຮັບມາແຕ່ດົນແລ້ວ.
ຄຳເຫັນ
0