ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງການຄ້າຈີນໄດ້ອອກ 24 ມາດຕະການເພື່ອສະໜັບສະໜູນການເລັ່ງລັດພັດທະນາເຂດທົດລອງການຄ້າເສລີຈີນຢູ່ແຂວງຮູເປີຍ, ຊຸກຍູ້ການພັດທະນາທີ່ມີຄຸນນະພາບສູງຂອງເຂດທົດລອງການຄ້າເສລີດັ່ງກ່າວໃນ 5 ດ້ານ ເຊັ່ນ: ຍົກສູງຄຸນນະພາບການພັດທະນາການຄ້າ, ບັບປຸງສະພາບແວດລ້ອມການດຳເນີນທຸລະກິດໃຫ້ດີຂຶ້ນ ແລະອື່ນໆ. ວັນທີ 4 ມິຖຸນານີ້, ທ່ານກ່າວເຟີ່ງ ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງວ່າ: ຈີນໄດ້ໃຫ້ການສະໜັບສະໜູນເຂດທົດລອງການຄ້າເສລີຮູເປີຍສ້າງສູນຍົກລະດັບ ແລະຫັນປ່ຽນຮູບແບບການຄ້າກັບຕ່າງປະເທດລະດັບຊາດ, ດຳເນີນຈຸດທົດລອງນຳເຂົ້າສິນຄ້າຂາຍແບບການຄ້າຍ່ອຍຂ້າມຊາດເອເລັກໂຕຣນິກ, ສະໜັບສະໜູນເຂດທີ່ກ່ຽວຂ້ອງສ້າງເຂດທົດທອງກວມລວມການຄ້າເອເລັກໂຕໂຣນິກຂ້າມຊາດ, ສ້າງເມືອງໂຕແບບຮັບເໝົາການບໍລິການໂດຍຕ່າງປະເທດ ແລະອື່ນໆ.
ເພື່ອເພີ່ມທະວີການສະໜັບສະໜູນການຟື້ນຟູຄືນໃໝ່ພາຍຫຼັງເກີດພະຍາດໂຄວິດ-19 ຢູ່ແຂວງຮູເປີຍ, ກະຊວງການຄ້າຈີນຍັງຈະສ້າງ ແລະປັບປຸງປະຕິບັດງານກົນໄກເພື່ອຊຸກຍູ້ການລົງທຶນຂອງຕ່າງປະເທດ, ການບໍລິການດ້ານການລົງທຶນ, ການປົກປ້ອງການລົງທຶນ ແລະອື່ນໆ, ຕັ້ງໜ້າຊ່ວຍແກ້ໄຂບັນຫາຫຍຸ້ງຍາກໃຫ້ສາຫະກິດຕ່າງປະເທດໃຫ້ດຳເນີນທຸລະກິດຢູ່ເຂດທົດລອງການຄ້າເສລີແຂວງຮູເປີຍ, ຊຸກຍູ້ໂຄງການລົງທຶນຂອງຕ່າງປະເທດທີ່ສຳຄັນໃຫ້ຈັດຕັ້ງປະຕິບັດເປັນຮູບປະທຳ, ສະໜັບສະໜູນການຟື້ນຟູການຜະລິດຄືນໃໝ່ຂອງວິສາຫະກິດ ແລະບັບປຸງສະພາບແວດລ້ອມການດຳເນີນທຸລະກິດໃຫ້ດີຂຶ້ນຢ່າງບໍ່ຢຸດຢັ້ງ.
ຄຳເຫັນ
0