ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ມິຖຸນານີ້ ແມ່ນວັນຖະໜອມດວງຕາຂອງຈີນ ຄັ້ງທີ 25. ວັນທີ 5 ເດືອນດຽວກັນ, ຄະນະກຳມະການສາທາລະນະສຸກແຫ່ງຊາດຈີນໄດ້ຈັດກອງປະຊຸມຂ່າວ, ໂດຍໄດ້ເຜີຍແຜ່“ປຶ້ມປົກຂາວວ່າດ້ວຍສຸຂະພາບຕາຂອງຈີນ”, ແນະນຳຄວາມຄືບໜ້າ ແລະ ຜົນງານໃນວຽກງານຮັກສາສຸຂະພາບຕາຂອງຈີນ. ຜ່ານການສຳຫຼວດແບບຊຸມຕົວຢ່າງຈາກ 9 ແຂວງຂອງຈີນ ໄດ້ສະແດງໃຫ້ເຫັນວ່າ, ອັດຕາເກີດອາການຕາບອດໄດ້ຫຼຸດລົງ 37,8% ແລະ ສາຍຕາບົກຜ່ອງໄດ້ຫຼຸດລົງ 15,4%, ຄວາມສາມາດຂອງພະແນກປິ່ນປົວຕາໃນຂັ້ນຮາກຖານໄດ້ຍົກສູງຂຶ້ນຢ່າງພົ້ນເດັ່ນ.
ປຶ້ມປົກຂາວດັ່ງກ່າວລະບຸວ່າ: ສຳລັບຊາວຈີນແຕ່ລະ 5ໝື່ນຄົນມີ ແພດໝໍພະແນກຕາ 1,6 ຄົນ,ເຊິ່ງບັນລຸເຖິງມາດຕະຖານຂອງອົງການອະນາໄມໂລກ; ຢູ່ໂຮງໝໍຂັ້ນເມືອງ 90% ຂຶ້ນໄປໄດ້ຕັ້ງພະແນກຕາແບບອິດສະຫຼະ, ອຸປະກອນການປິ່ນປົວຕາໄດ້ສູງກວ່າລະດັບສະເລ່ຍຂອງປະເທດພວມພັດທະນາ.
ຄະນະກຳມະການສາທາລະນະສຸກແຫ່ງຊາດຈີນຍັງໄດ້ໃຊ້ມາດຕະການທີ່ກ່ຽວຂ້ອງເພື່ອສຸມໃສ່ແກ້ໄຂພະຍາດຕາຈຳນວນໜຶ່ງທີ່ເຮັດໃຫ້ເປັນຕາບອດ. ຕົວຢ່າງວ່າ, ຄະນະກຳມະການສາທາລະນະສຸກແຫ່ງຊາດຈີນ ແລະ ຫ້ອງການຄະນະນຳພາລຶບລ້າງຄວາມທຸກຍາກ ແລະການພັດທະນາແຫ່ງລັດຈີນໄດ້ຮ່ວມກັນລິເລີ່ມ“ໂຄງການຊ່ວຍເຫຼືອຜູ້ທຸກຍາກດ້ວຍແສງສະຫວ່າງ”, ໂດຍໃຫ້ການຊ່ວຍເຫຼືອ ແລະ ປິ່ນປົວຜູ້ເປັນພະຍາດແກ່ນຕາຂຸ້ນຢູ່ເຂດທຸກຍາກໂດຍບໍ່ເກັບຄ່າ, ເພື່ອສຸມໃສ່ແກ້ໄຂບັນຫາທີ່ຕົກຢູ່ໃນຄວາມທຸກຍາກ ຫຼື ກັບມາທຸກຍາກອີກຍ້ອນເປັນພະຍາດຂອງຜູ້ທຸກຍາກໃນເຂດຊົນນະບົດ.
ຄຳເຫັນ
0