ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປັດຈຸບັນນີ້, ການປະທ້ວງຍ້ອນການເສຍຊີວິດຂອງທ້າວຈອສ ຟລອຍ ຊາວອາເມຣິກາເຊື້ອສາຍອາຟຣິກາ ກຳລັງແຜ່ລາມອອກໃນທົ່ວປະເທດອາເມຣິກາ. ໃນຂະນະທີ່ປະຊາຄົມໂລກຮ່ວມກັນກ່າວປະນາມປາກົດການຈຳແນກເຊື້ອຊາດຜິວພັນທີ່ມີມາແຕ່ດົນນານຂອງອາເມຣິການັ້ນ, ຜູ້ນຳປະເທດຕາເວັນຕົກຈຳນວນໜຶ່ງທີ່ມັກເວົ້າ “ປະຊາທິປະໄຕ” ແລະ “ສິດທິມະນຸດ” ຕິດປາກມາຕະຫຼອດນັ້ນ, ເທື່ອນີ້ພັດເຮັດອຸມອື້ອຸມອຶດ.
ຫວ່າງມໍ່ໆມານີ້, ໃນເວລາຖືກນັກຂ່າວຖາມວ່າ: ທ່ານມີຄຳເຫັນແນວໃດຕໍ່ “ຜູ້ນຳອາເມຣິກາຂູ່ວ່າຈະໃຊ້ກຳລັງທະຫານຕໍ່ຜູ້ປະທ້ວງປະເທດຕົນ”, ທ່ານຈັສຕິນ ຕຣູດູ ນາຍົກລັດຖະມົນຕີການາດາໄດ້ມີສີໜ້າກື້ເຂີນ ແລະ ຢຸດເປັນເວລາ 22 ວິນາທີ ຈິ່ງໃຫ້ຄຳຕອບ, ແຕ່ຄຳຕອບພັດບໍ່ມີສ່ວນກ່ຽວຂ້ອງກັບຄຳຖາມ, ມີແຕ່ເວົ້າວ່າ: “ຈະເນັ້ນວຽກໃສ່ຊາວການາດາເອງ”. ຫຼັງຈາກເຫດການທ້າວຈອສ ຟລອຍເກີດຂຶ້ນໜຶ່ງອາທິດແລ້ວ, ທ່ານໂບຣິສ ຈອນສັນ ນາຍົກລັດຖະມົນຕີອັງກິດຈິ່ງໄດ້ອອກຄຳເຫັນແບບກ້ຽວໄປກ້ຽວມາວ່າ: “ລັດທິຈຳແນກເຊື້ອຊາດ ແລະ ການໃຊ້ຄວາມຮຸນແຮງໃນບັນຫາລັດທິຈຳແນກເຊື້ອຊາດບໍ່ມີຈຸດທີ່ຢືນຢູ່ອັງກິດ”, ນີ້ຖືກສື່ມວນຊົນຕຳໜິກວ່າ, ໄດ້ໃຫ້ຄຳຕອບແບບບໍ່ຖືກຈຸດ ກ່ຽວກັບເຈົ້າໜ້າທີ່ຕຳຫຼວດອາເມຣິກາປາບປາມການປະທ້ວງ.
ທີ່ຈິງແລ້ວ, ປະເທດຕາເວັນຕົກຈຳນວນໜຶ່ງໄດ້ແລ່ນຕາມກົ້ນຂອງອາເມຣິກາມາແຕ່ດົນແລ້ວ. ຖ້າຢາກມີຈຸດຢືນທີ່ເຂັ້ມແຂງຕໍ່ອາເມຣິກາ, ພວກເຂົາບໍ່ໄດ້ເຮັດແບບນີ້ມາແຕ່ດົນແລ້ວ ແລະກໍບໍ່ກ້າເຮັດແບບນີ້ແລ້ວ. ດົນແລ້ວ, ກໍໄດ້ກາຍເປັນຄວາມຊິນເຄີຍຂອງນັກການເມືອງປະເທດຕາເວັນຕົກຈຳນວນໜຶ່ງແລ້ວ. ອີກດ້ານໜຶ່ງ, ປະເທດຕາເວັນຕົກຈຳນວນໜຶ່ງກໍມີບັນຫາຈຳແນກເຊື້ອຊາດຜິວພັນທີ່ໜັກໜ່ວງເຊັ່ນກັນ, ຈົນເຖິງຂັ້ນນັກການເມືອງຈຳນວນໜຶ່ງກໍເປັນຜູ້ສະໜັບສະໜູນລັດທິຄົນຜິວຂາວຢູ່ເໜືອຄົນຜິວພັນອື່ນໆ. ນອກຈາກພາໃຫ້ເກີດການປະທ້ວງຢູ່ອາເມຣິກາແລ້ວ, “ການເສຍຊີວິດຂອງທ້າວຈອສ ຟລອຍ” ຍັງພາໃຫ້ສິບກວ່າປະເທດໃນໂລກ ເຊັ່ນ: ອັງກິດ, ອົສຕຣາລີ, ການາດາ ເປັນຕົ້ນເກີດການປະທ້ວງເຊັ່ນກັນ. ນັກການເມືອງປະເທດຕາເວັນຕົກຈຳນວນໜຶ່ງກໍເປັນຫ່ວງວ່າ, ຖ້າເວົ້າຫຼາຍເກີນໄປ, ອາດຈະເຮັດໃຫ້ປາກົດການຈຳແນກເຊື້ອຊາດຜິວພັນຂອງປະເທດຕົນຖືກເປີດເຜີຍ. ການເຮັດອຸມອື້ອຸມອຶດຕໍ່ລັດທິຈຳແນກເຊື້ອຊາດຜິວພັນແບບນີ້, ກໍໄດ້ສ່ອງແສງໃຫ້ເຫັນເຖິງຄວາມກັງວົນ ແລະ ຄວາມເປັນຫ່ວງໃນໃຈນັກການເມືອງຕາເວັນຕົກເຫຼົ່ານີ້. ສະຫຼຸບແລ້ວກໍແມ່ນ ລັດທິຈຳແນກເຊື້ອຊາດຜິວພັນເປັນບາດແຜໃນສັງຄົມອາເມຣິກາ ແລະ ກໍເປັນບັນຫາອັບປະຍົດຮ່ວມຂອງໂລກຕາເວັນຕົກ.
ຄຳເຫັນ
0