ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫ້ອງການຄະນະນຳພາລຶບລ້າງຄວາມທຸກຍາກລະການພັດທະນາແຫ່ງລັດຈີນແຈ້ງຂ່າວວ່າ, ທ້ອງຖິ່ນຕ່າງໆຂອງຈີນສືບຕໍ່ຊຸກຍູ້ວຽກງານປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ແລະ ວຽກງານລຶບລ້າງຄວາມທຸກຍາກໄປພ້ອມໆກັນ. ມາຮອດທ້າຍເດືອນພຶດສະພາຜ່ານມານີ້, ຈຳນວນແຮງງານຜູ້ທຸກຍາກຂອງຈີນທີ່ໄປເຮັດວຽກຢູ່ຕ່າງຖິ່ນໄດ້ມີຫຼາຍກວ່າປີຜ່ານມາແລ້ວ, ວິສາຫະກິດນຳໜ້າຂະແໜງການ ແລະ ໂຮງງານຕ່າງໆທີ່ເຂົ້າຮ່ວມການລຶບລ້າງຄວາມທຸກຍາກ ລ້ວນແຕ່ໄດ້ຟື້ນຟູການຜະລິດໂດຍພື້ນຖານແລ້ວ, ການບໍລິໂພກເພື່ອຊ່ວຍລຶບລ້າງຄວາມທຸກຍາກກໍໄດ້ມີການເລີ່ມຕົ້ນທີ່ດີ, ກົນໄກຕິດຕາມເພື່ອປ້ອງກັນບໍ່ໃຫ້ຜູ້ທີ່ຫຼຸດພົ້ນອອກຈາກຄວາມທຸກຍາກແລ້ວກັບມາທຸກຍາກຄືນໃໝ່ກໍໄດ້ສ້າງຂຶ້ນໂດຍພື້ນຖານແລ້ວ.
ແຮງງານຜູ້ທຸກຍາກທີ່ໄປເຮັດວຽກຢູ່ຕ່າງຖິ່ນໄດ້ມີເຖິງ 27,507 ລ້ານຄົນແລ້ວ ເຊິ່ງເທົ່າກັບ 100,79% ຂອງປີຜ່ານມາ. ໃນນັ້ນ, ຈຳນວນແຮງງານຜູ້ທຸກຍາກທີ່ໄປເຮັດວຽກຢູ່ຕ່າງຖິ່ນຫຼາຍກວ່າປີຜ່ານມາມີ 17 ແຂວງ; 52 ເມືອງທີ່ເນັ້ນໃສ່ການຈັດຫາວຽກງານໃຫ້ແຮງງານຜູ້ທຸກຍາກມີແຮງງານ 2,7342 ລ້ານຄົນໄປເຮັດວຽກຢູ່ຕ່າງຖິ່ນ ເຊິ່ງເທົ່າກັບ 107,45% ຂອງຍອດຈຳນວນແຮງງານຜູ້ທຸກຍາກທີ່ໄປເຮັດວຽກຢູ່ຕ່າງຖິ່ນໃນປີຜ່ານມາ.
ຄຳເຫັນ
0