ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 5 ມິຖຸນານີ້, ທ່ານເກິ໋ງສວງ ໂຄສົກກະຊວງການຕ່າງປະເທດຈີນກ່າວວ່າ, ຈີນຍິນດີຮ່ວມກັນຝ່າຍຕ່າງໆ ເຊິ່ງລວມທັງກອງປະຊຸມເວທີປຶກສາຫາລືເສດຖະກິດໂລກ ເພື່ອຊຸກຍູ້ໃຫ້ເສດຖະກິດໂລກຟື້ນຟູການເຕີບໂຕຢ່າງແຂງແຮງ, ຕໍ່ເນື່ອງ, ສະໝ່ຳສະເໝີ ແລະ ກວມລວມໂດຍໄວ.
ວັນທີ 3 ມິຖຸນານີ້, ທ່ານຄລາວສ ສະວັບ ປະທານເວທີປຶສາຫາລືເສດຖະກິດໂລກກ່າວວ່າ, ກອງປະຊຸມປະຈຳປີ 2021 ຂອງເວທີປຶກສາຫາລືເສດຖະກິດໂລກຈະຈັດຂຶ້ນໃນເດືອນມັງກອນປີໜ້າ. ໃນເວລາຕອບຄຳຖາມຂອງນັກຂ່າວ, ທ່ານເກິ໋ງສວງກ່າວວ່າ, ກອງປະຊຸມປະຈຳປີ 2021 ຂອງເວທີປຶສາຫາລືເສດຖະກິດໂລກໄດ້ກຳນົດຫົວຂໍ້ຂອງກອງປະຊຸມເປັນ “ຟື້ນຟູຄວາມຈະເລີນຂອງໂລກ” ເຊິ່ງໄດ້ສ່ອງແສງໃຫ້ເຫັນວ່າ, ປະຊາຄົມໂລກມີຄວາມປາຖະໜາອັນແຮງກ້າ ທີ່ຮ່ວມມືກັນຮັບມືກັບສິ່ງທ້າທາຍຈາກການແຜ່ລະບາດຂອງພະຍາດໂຄວິດ-19 ແລະ ຮ່ວມກັນຊຸກຍູ້ໃຫ້ເສດຖະກິດໂລກຟື້ນຟູການພັດທະນາຢ່າງໝັ້ນທ່ຽງ, ເຊິ່ງມີຄວາມໝາຍອັນຕັ້ງໜ້າ.
ທ່ານເກິ໋ງສວງກ່າວເນັ້ນວ່າ, ການແຜ່ລະບາດຂອງພະຍາດໃນຄັ້ງນີ້ສະແດງໃຫ້ເຫັນຢ່າງເຕັມທີ່ວ່າ, ຊາຕາກຳຂອງປະເທດຕ່າງໆໄດ້ພົວພັນກັນຢ່າງແໜ້ນແຟ້ນ, ມວນມະນຸດແມ່ນປະຊາຄົມຮ່ວມຊາຕາກຳ. ໂດຍຜະເຊີນໜ້າກັບວິກິດການທົ່ວໂລກສອງຢ່າງທັງດ້ານສາທາລະນະສຸກ ແລະ ດ້ານເສດຖະກິດ, ມີພຽງແຕ່ເສີມຂະຫຍາຍນ້ຳໃຈເປັນຄູ່ຮ່ວມ, ເພີ່ມທະວີຄວາມສາມັກຄີແລະການປະສານງານກັນ, ຈິ່ງຈະສາມາດເອົາຊະນະວິກິດການຄັ້ງນີ້ໄດ້.
ຄຳເຫັນ
0