ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 8 ມິຖຸນານີ້, ທ່ານສີຈິ້ນຜິງທີ່ພວມສຳຫຼວດກວດກາວຽກງານຢູ່ເຂດປົກຄອງຕົນເອງເຜົ່າຫຸຍນິງເຊ້ຍໄດ້ໄປສຳຫຼວດກວດເບິ່ງແມ່ນ້ຳເຫຼືອງຕອນເທສະບານນະຄອນອູຈົ່ງ, ເພື່ອຮັບຮູ້ສະພາບການອະນຸລັກລະບົບນິເວດຂອງເຂດລ້ອງແມ່ນ້ຳເຫຼືອງ.
ນີ້ແມ່ນການເຄື່ອນໄຫວຂອງທ່ານສີຈິ້ນຜິງທີ່ໄປສຳຫຼວດກວດເບິ່ງແມ່ນ້ຳເຫຼືອງຄັ້ງທີ 4 ພາຍໃນປີດຽວ.
ແມ່ນ້ຳເຫຼືອງໄຫຼຜ່ານ9 ແຂວງ ແລະເຂດປົກຄອງຕົນເອງຂອງຈີນ. ໃນນັ້ນມີພຽງເຂດນິງເຊ້ຍເຂດດຽວທີ່ມີເນື້ອທີ່ທັງໝົດນອນຢູ່ໃນເຂດລ້ອງແມ່ນ້ຳເຫຼືອງ. ໃນປີ 2019 ຜ່ານມາ, ທ່ານສີຈິ້ນຜິງໄດ້ໄປສຳຫຼວດ 6 ເຂດແຂວງລຽບຕາມເຂດລ້ອງແມ່ນ້ຳເຫຼືອງ. ເຊິ່ງສະແດງໃຫ້ເຫັນວ່າ:ທ່ານສີຈິ້ນຜິງໄດ້ໃຫ້ຄວາມສຳຄັນຢ່າງສູງຕໍ່ແມ່ນ້ຳເຫຼືອງ.
ແມ່ນ້ຳເຫຼືອງແມ່ນແມ່ນ້ຳແຫ່ງມານດາຂອງປະຊາຊາດຈີນ, ມີຈຸດກຳເນີດຈາກພູພຽງຊິ່ງໄຫຕິເບດ, ມີຄວາມຍາວທັງໝົດ 5464 ກິໂລແມັດ, ເຂດລ້ອງແມ່ນ້ຳມີເນື້ອທີ່ເຖິງ 795000 ກິໂລຕາແມັດ, ແມ່ນແມ່ນ້ຳຍາວອັນດັບສອງຂອງຈີນ ຖັດຈາກແມ່ນ້ຳຢາງເຊ. ຢູ່ເຂດລ້ອງແມ່ນ້ຳເຫຼືອງມີເຂດນິເວດລະດັບຊາດທີ່ສຳຄັນຫຼາຍແຫ່ງ, ປະລິມານສະສົມຖ່ານຫີນກວມຫຼາຍກວ່າເຄິ່ງໜຶ່ງຂອງທົ່ວປະເທດ, ມີບົດບາດສຳຄັນທີ່ສຸດໃນການພັດທະນາເສດຖະກິດສັງຄົມ ແລະ ຄວາມປອດໄພດ້ານນິເວດຂອງຈີນ.
ເດືອນສິງຫາປີ 2019, ຢູ່ນະຄອນລານໂຈ່ ຍ່ານເໜືອຂອງແມ່ນ້ຳເຫຼືອງ, ທ່ານສີຈິ້ນຜິງໄດ້ກ່າວວ່າ: “ຂ້າພະເຈົ້າເຄີຍເວົ້າວ່າ ແມ່ນ້ຳຢາງເຊເຈັບປ່ວຍແລ້ວ, ທັງເຈັບໜັກ. ມື້ນີ້ຂ້າພະເຈົ້າຢາກເວົ້າວ່າ, ແຕ່ໃດໆມາ ແມ່ນ້ຳເຫຼືອງກໍມີຄວາມອ່ອນແອ ແລະ ມັກເຈັບເປັນເລື້ອຍໆ, ເກີດໄພນ້ຳຖ້ວມເລື້ອຍໆ.”
ເດືອນກັນຍາປີດຽວກັນ, ທ່ານສີຈິ້ນຜິງໄດ້ເປັນປະທານຈັດກອງປະຊຸມສຳມະນາກ່ຽວກັບການອະນຸລັກລະບົບນິເວດ ແລະ ພັດທະນາເຂດລ້ອງແມ່ນ້ຳເຫຼືອງດ້ວຍຄຸນນະພາບສູງ.
ກອງປະຊຸມຄັ້ງນີ້ແມ່ນກອງປະຊຸມລະດັບສູງ, ຜູ້ຮັບຜິດຊອບຂອງ 9 ເຂດແຂວງໃນເຂດລ້ອງແມ່ນ້ຳເຫຼືອງ ຜູ້ຮັບຜິດຊອບຂອງພາກສ່ວນທີ່ກ່ຽວຂ້ອງຂັ້ນສູນກາງໄດ້ເຂົ້າຮ່ວມ. ທ່ານສີຈິ້ນຜິງໄດ້ປະກອບຄຳເຫັນທີ່ສຳຄັນ ໂດຍໄດ້ມີຂໍ້ສະເໜີຢ່າງຈະແຈ້ງວ່າ: “ການອະນຸລັກແມ່ນ້ຳເຫຼືອງແມ່ນແຜນການສຳຄັນຍາວນານທີ່ພົວພັນເຖິງການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ ແລະ ການພັດທະນາແບບຍືນຍົງຂອງປະຊາຊາດຈີນ.”
ທ່ານສີຈິ້ນຜິງຍັງໄດ້ຍົກເອົາຄວາມເວົ້າບູຮານປະໂຫຍກໜຶ່ງຂອງຈີນ ຄື “ທ່ານອີສາມາດແກ້ໄຂບັນຫານ້ຳຖ້ວມໄດ້, ຍ້ອນເຄົາລົບກົດເກນທຳມະຊາດຂອງນ້ຳ”, ໂດຍຊີ້ອອກວ່າ, ຕ້ອງເຄົາລົບກົດເກນ, ປະຖິ້ມແນວຄິດຮ້ອນຮົນຟ້າງຟັ່ງທີ່ຕ້ອງເອົາຊະນະນ້ຳແລະ ເອົາຊະນະທຳມະຊາດ.
ຈາກສັນຊາດຕະຍານທີ່ຮ້ອນຮົນຟ້າວຟັ່ງທີ່ຢາກເອົາຊະນະນ້ຳ ແລະ ທຳມະຊາດ, ຫັນມາສູ່ແນວຄວາມຄິດທີ່ເຄົາລົບກົດເກນ ແລະ ອະນຸລັກທຳມະຊາດ, ຢູ່ເບື້ອງຫຼັງຂອງພຶດຕິກຳປົວແປງແມ່ນ້ຳເຫຼືອງ, ໄດ້ສ່ອງແສງໃຫ້ເຫັນເຖິງຄວາມປ່ຽນແປງຂອງການຮັບຮູ້ຕໍ່ທຳມະຊາດຂອງຊາວຈີນໃນຫຼາຍພັນປີມານີ້. ກໍຍ້ອນເປັນແນວນີ້, ທ່ານສີຈິ້ນຜິງໄດ້ກ່າວວ່າ: “ເວົ້າໃນຄວາມໝາຍດ້ານໃດໜຶ່ງແລ້ວ, ປະຫວັດສາດທີ່ປົວແປງແມ່ນ້ຳເຫຼືອງຂອງປະຊາຊາດຈີນກໍແມ່ນປະຫວັດສາດບໍລິຫານປະເທດ.”
ຄຳເຫັນ
0