ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ການແຜ່ລະບາດຂອງພະຍາດບໍ່ມີພົມແດນ, ບັນດາປະເທດໃນໂລກລ້ວນແຕ່ແມ່ນປະຊາຄົມຮ່ວມຊາຕາກຳ ທີ່ຮ່ວມທຸກຮ່ວມສຸກ.” ໂດຍຜະເຊີນໜ້າກັບການແຜ່ລະບາດຂອງພະຍາດໂຄວິດ-19 ທີ່ເປັນສັດຕູຮ່ວມຂອງມວນມະນຸດ, ທ່ານສີຈິ້ນຜິງໄດ້ພະຍາຍາມສົ່ງເສີມການຮ່ວມມືສາກົນ ແລະ ຊຸກຍູ້ການຮ່ວມກັນສ້າງປະຊາຄົມຮ່ວມຊາຕາກຳຂອງມວນມະນຸດ.
ນັບແຕ່ເກີດການແຜ່ລະບາດຂອງພະຍາດດັ່ງກ່າວເປັນຕົ້ນມາ, ທ່ານສີຈິ້ນຜິງໄດ້ເຂົ້າຮ່ວມກອງປະຊຸມສາກົນ ເພື່ອຕ້ານກັບການແຜ່ລະບາດຂອງພະຍາດດັ່ງກ່າວໃນຮູບແບບຜ່ານວິດີໂອ 3 ຄັ້ງແລ້ວ.
ວັນທີ 26 ມີນາປີນີ້, ໃນກອງປະຊຸມສຸດຍອດສະໄໝພິເສດຂອງກຸ່ມ 20 ປະເທດ ຫຼື G20 ເພື່ອຮັບມືກັບການແຜ່ລະບາດຂອງພະຍາດໂຄວິດ-19, ທ່ານສີຈິ້ນຜິງໄດ້ຮຽກຮ້ອງວ່າ: “ຕ້ອງປົກປ້ອງແມ່ຍິງ ແລະ ເດັກນ້ອຍ, ປົກປ້ອງຜູ້ເຖົ້າຜູ້ແກ່, ຄົນພິການ ແລະ ກຸ່ມຄົນດ້ອຍໂອກາດອື່ນໆ, ຮັບປະກັນຊີວິດການເປັນຢູ່ຂັ້ນພື້ນຖານຂອງປະຊາຊົນ.” ທ່ານສີຈິ້ນຜິງຍັງປະກາດວ່າ: “ຈີນຈະແບ່ງປັນວິທີທີ່ດີໃນການປ້ອງກັນແລະຄວບຄຸມພະຍາດກັບປະເທດຕ່າງໆ, ຈີນຈະດຳເນີນການຄົ້ນຄວ້າຜະລິດຢາວັກແຊັງແລະຢາປົວພະຍາດກັບປະເທດຕ່າງໆ.” “ຈີນຈະເພີ່ມທະວີສະໜອງສານອອກລິດຂອງການຢາ, ເຄື່ອງໃຊ້ໃນຊີວິດປະຈຳວັນ, ວັດຖຸອຸປະກອນປ້ອງກັນພະຍາດ ແລະ ຜະລິດຕະພັນອື່ນໆໃຫ້ຕະຫຼາດສາກົນ.”
ວັນທີ 18 ພຶດສະພາປີນີ້, ໃນພິທີໄຂກອງປະຊຸມວິດີໂອອົງການອະນາໄມໂລກທາງວິດີໂອ, ທ່ານສີຈິ້ນຜິງກ່າວວ່າ: “ຕ້ອງຍຶດໝັ້ນການຖືເອົາປະຊາຊົນເປັນສຳຄັນທີ່ສຸດ, ຊີວິດຂອງປະຊາຊົນຢູ່ເໜືອທຸກສິ່ງທຸກຢ່າງ, ສັບຊ້ອນຈັດວາງກຳລັງທາງການແພດ ແລະ ວັດຖຸອຸປະກອນສຳຄັນຕາມຫຼັກວິທະຍາສາດ, ໃຊ້ມາດຕະການທີ່ແຂງແຮງໃນຂົງເຂດປ້ອງກັນພະຍາດ, ກັກບໍລິເວນ, ກວດຫາເຊື້ອພະຍາດ, ປິ່ນປົວ ແລະ ຕິດຕາມຜູ້ເປັນພະຍາດ, ສະກັດກັ້ນການແຜ່ລະບາດຂອງພະຍາດໃນຂອບເຂດທົ່ວໂລກໂດຍໄວ ແລະ ພະຍາຍາມຕັດຊ່ອງທາງການແຜ່ລະບາດຂອງພະຍາດຢູ່ຕາມຊາຍແດນ.” ນອກນີ້, ທ່ານຍັງປະກາດມາດຕະການຕ່າງໆ ເຊັ່ນ: “ສ້າງຕັ້ງສາງ ແລະ ສູນຮັບມືສຸກເສີນເພື່ອມະນຸດສະທຳທົ່ວໂລກຢູ່ຈີນ”, “ສ້າງກົນໄກຮ່ວມມືລະຫວ່າງໂຮງໝໍແຮກສ່ຽວ 30 ແຫ່ງຂອງຈີນ-ອາຟຣິກາ”, “ພາຍຫຼັງຢາວັກແຊັງກັນພະຍາດໂຄວິດ-19 ຂອງຈີນສາມາດຄົ້ນຄວ້າຜະລິດຢ່າງສຳເລັດຜົນແລະປ້ອນເຂົ້າຕະຫຼາດເປັນທີ່ຮຽບຮ້ອຍແລ້ວ, ຈະກາຍເປັນຜະລິດຕະພັນສາທາລະນະຂອງທົ່ວໂລກ” ແລະ ອື່ນໆ.
ວັນທີ 17 ມິຖຸນານີ້, ທ່ານສີຈິ້ນຜິງໄດ້ກ່າວຄຳປາໄສໃນກອງປະຊຸມສຸດຍອດສະໄໝພິເສດຈີນ-ອາຟຣິກາ ເພື່ອສາມັກຄີກັນຕ້ານກັບການແຜ່ລະບາດຂອງພະຍາດໂຄວິດ-19 ໂດຍກ່າວເນັ້ນວ່າ: “ຕ້ອງຍຶດໝັ້ນການຖືເອົາປະຊາຊົນຢູ່ເໜືອທຸກສິ່ງທຸກຢ່າງ ແລະ ຖືເອົາຊີວິດຂອງປະຊາຊົນຢູ່ເໜືອທຸກສິ່ງທຸກຢ່າງ, ຈັດແບ່ງຊັບພະຍາກອນຢ່າງເປັນເອກະພາບກັນ, ສາມັກຄີແລະຮ່ວມມືກັນ, ພະຍາຍາມຢ່າງສຸດຂີດ ເພື່ອປົກປ້ອງຄວາມປອດໄພດ້ານຊີວິດ ແລະ ສຸຂະພາບທາງຮ່າງກາຍຂອງປະຊາຊົນ ພ້ອມທັງຫຼຸດຜົນກະທົບທາງລົບໃຫ້ຕ່ຳລົງຮອດລະດັບຕ່ຳສຸດ.” ທ່ານສີຈິ້ນຜິງຍັງປະກາດມາດຕະການຕ່າງໆເພື່ອສະໜັບສະໜູນການຕ້ານກັບພະຍາດຢູ່ອາຟຣິກາ ເຊັ່ນ: “ຈະລົງມືກໍ່ສ້າງສຳນັກງານໃຫຍ່ສູນປ້ອງກັນແລະຄວບຄຸມພະຍາດຢູ່ອາຟຣິກາກ່ອນກຳນົດໃນປີນີ້”, “ພາຍຫຼັງຢາວັກແຊັງກັນພະຍາດໂຄວິດ-19 ຂອງຈີນສາມາດຄົ້ນຄວ້າຜະລິດຢ່າງສຳເລັດຜົນແລ້ວທັງປ້ອນເຂົ້າເຂົ້າຕະຫຼາດໂລກແລ້ວ, ຈະໃຫ້ປະເທດອາຟຣິການຳໃຊ້ກ່ອນໝູ່” ແລະ ອື່ນໆ.
ກອງປະຊຸມສາກົນ 3 ຄັ້ງ, ມາດຕະການຕ້ານກັບການແຜ່ລະບາດຂອງພະຍາດທຸກຢ່າງທີ່ທ່ານສີຈິ້ນຜິງສົ່ງເສີມ, ລ້ວນແຕ່ໄດ້ປິ່ນອ້ອມຄວາມສາມັກຄີ ແລະ ການຮ່ວມມືສາກົນ, ໄດ້ເພີ່ມຄວາມໝັ້ນໃຈໃຫ້ແກ່ການຕ້ານກັບພະຍາດຂອງທົ່ວໂລກຢ່າງແຂງແຮງ ແລະ ເຕົ້າໂຮມກຳລັງໃຈຂອງສາກົນໃນການຕ້ານກັບພະຍາດ.
ມວນມະນຸດເປັນປະຊາຄົມຮ່ວມຊາຕາກຳ, ຄວາມສາມັກຄີ ແລະ ການຮ່ວມມືກັນ ກໍແມ່ນອາວຸດທີ່ເຂັ້ມແຂງທີ່ສຸດ ເພື່ອເອົາຊະນະການແຜ່ລະບາດຂອງພະຍາດ. ຄືດັ່ງທີ່ທ່ານສີຈິ້ນຜິງໄດ້ກ່າວໄວ້ວ່າ: ຂໍພຽງແຕ່ພວກເຮົາຮ່ວມແຮງຮ່ວມໃຈກັນ ແລະ ຊ່ວຍເຫຼືອເຊິ່ງກັນແລະກັນ, ພວກເຮົາຍ່ອມຈະສາມາດເອົາຊະນະການແຜ່ລະບາດຂອງພະຍາດໄດ້ຢ່າງເຖິງຖອງ ແລະ ມຸ້ງໜ້າໄປສູ່ອະນາຄົດແຫ່ງການພັດທະນາຂອງມວນມະນຸດທີ່ສວຍງາມກວ່າເກົ່າ.
ຄຳເຫັນ
0