ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ມິຖຸນານີ້ຢູ່ນະຄອນຫຼວງວຽງຈັນ, ກະຊວງປ້ອງກັນປະເທດ ແຫ່ງ ສປປ ລາວໄດ້ຈັດພິທີປະດັບຫຼຽນມິດຕະພາບໃຫ້ແກ່ຜູ້ຊ່ຽວຊານຈີນ 5 ທ່ານໃນໜ່ວຍຊ່ຽວຊານແພດທະຫານກອງທັບປົດປ່ອຍປະຊາຊົນຈີນ ທີ່ໄດ້ໄປຊ່ວຍເຫຼືອລາວຕ້ານກັບການແຜ່ລະບາດຂອງພະຍາດໂຄວິດ-19 ທີ່ໃກ້ຈະເດີນທາງກັບຄືນປະເທດຈີນແລ້ວ, ທ່ານພົນຕີແອສະໄໝ ເລືອງວັນໄຊ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ແລະ ທ່ານຈ່ຽງຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈຳ ສປປ ລາວໄດ້ເຂົ້າຮ່ວມພິທີດັ່ງກ່າວ.
ທ່ານພົນຕີແອສະໄໝ ເລືອງວັນໄຊກ່າວວ່າ, ການຕໍ່ສູ້ຕ້ານກັບການແຜ່ລະບາດຂອງພະຍາດໂຄວິດ-19 ຢູ່ປະເທດລາວບໍ່ສາມາດຕັດແຍກອອກຈາກການສະໜັບສະໜູນຢ່າງແຂງແຮງຈາກພັກ, ລັດ ແລະ ກອງທັບຈີນໄດ້. ກອງທັບຈີນບໍ່ພຽງແຕ່ໄດ້ສົ່ງໜ່ວຍຊ່ຽວຊານແພດມາຊ່ວຍລາວຕ້ານກັບພະຍາດເທົ່ານັ້ນ, ຫາກຍັງໄດ້ໃຫ້ການຊ່ວຍເຫຼືອອຸປະກອນການແພດທີ່ຝ່າຍລາວຕ້ອງການດ່ວນ. ໃນໄລຍະທີ່ມາຊ່ວຍເຫຼືອລາວ, ສອງຝ່າຍໄດ້ສາມັກຄີເປັນຈິດໜຶ່ງໃຈດຽວກັນ, ຮ່ວມມືກັນຢ່າງແໜ້ນແຟ້ນ ເຊິ່ງໄດ້ຍົກຄວາມສາມາດຕ້ານກັບພະຍາດຂອງກອງທັບລາວໃຫ້ສູງຂຶ້ນຢ່າງຈະແຈ້ງ ແລະ ໄດ້ປະກອບສ່ວນສຳຄັນ ເພື່ອການຕໍ່ສູ້ຕ້ານກັບການແຜ່ລະບາດຂອງພະຍາດໂຄວິດ-19 ຢູ່ລາວ. ກະຊວງປ້ອງກັນປະເທດລາວຕີລາຄາຢ່າງສູງ ແລະ ຂໍສະແດງຄວາມຂອບໃຈຢ່າງຈິງໃຈຕໍ່ກະຊວງປ້ອງກັນປະເທດຈີນທີ່ໄດ້ໃຫ້ການໜັບສະໜູນຢ່າງແຂງແຮງໃຫ້ແກ່ຝ່າຍລາວ ແລະ ເຫັນວ່າ, ນີ້ເປັນພຶດຕິກຳຕົວຈິງທີ່ມີຊີວິດຊີວາ ໃນການຮ່ວມກັນສ້າງຄູ່ຮ່ວມຊາຕາກຳລາວ-ຈີນ.
ຄຳເຫັນ
0