ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນການຖະແຫຼງຂ່າວປະຈຳວັນກ່ຽວກັບແຜ່ລະບາດຂອງພະຍາດໂຄວິດ-19 ທີ່ຈັດຂຶ້ນໃນວັນທີ 26 ມິຖຸນາຢູ່ທຳນຽບຂາວທ່ານອັນໂຕນີ ຟາວຊີ, ຜູ້ຊ່ຽວຊານພະຍາດຕິດແປດຂອງອາເມຣິກາ, ສະມາຊິກພິເສດຂອງໜ່ວຍຊ່ຽວຊານເພື່ອຮັບມືກັບພະຍາດໂຄວິດ-19 ຂອງທຳນຽບຂາວກ່າວວ່າ: ຜູ້ຖືກບົ່ງມະຕິເປັນພະຍາດໂຄວິດ-19 ຢູ່ລັດຕ່າງໆເພີ່ມຂຶ້ນຄືນໃໝ່ສະແດງໃຫ້ເຫັນວ່າບາງເຂດຂອງອາເມຣິກາພວມຜະເຊີນກັບ “ບັນຫາໜັກໜ່ວງ”, ນີ້ເປັນເລື່ອງທີ່ເຮັດໃຫ້ຕົນຮູ້ສຶກກັງວົນຫຼາຍ.
ທ່ານຟາວຊີ ກ່າວວ່າ: ຜູ້ຖືກບົ່ງມະຕິເປັນພະຍາດໂຄວິດ-19 ເພີ່ມຂຶ້ນຢ່າງວ່ອງໄວຢູ່ບາງເຂດແມ່ນຍ້ອນວ່າເຂດເຫຼົ່ານັ້ນໄດ້ຟື້ນຟູເສດຖະກິດຄືນໃໝ່ໄວເກີນໄປ, ແລະປະຊາຊົນຢູ່ເຂດເຫຼົ່ານັ້ນບໍ່ເອົາໃຈໃສ່ປະຕິບັດຕາມຫຼັກການປ້ອງກັນພະຍາດ. ທ່ານຍັງໄດ້ກ່າວເນັ້ນໜັກວ່າ: ຖ້າວ່າບໍ່ສາມາດສະກັດກັ້ນການແຜ່ລະບາດຂອງພະຍາດໃນຕໍ່ໜ້າ, ລັດທີ່ມີຜູ້ເປັນພະຍາດໂຄວິດ-19 ທີ່ພວມຫຼຸດລົງນັ້ນອາດຈະໄດ້ຮັບຜົນກະທົບຈາກພະຍາດໂຄວິດ-19 ແລະອາດຈະແຜ່ລະບາດຮ້າຍແຮງຂຶ້ນອີກຄັ້ງໃໝ່.
ຄຳເຫັນ
0