ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ມິຖຸນານີ້, ທ່ານ ເນຍເຕີສວນ ຫົວໜ້າພະແນກວຽກງານລັດຖະກອນຮົງກົງໄດ້ໃຫ້ສຳພາດຕໍ່ນັກຂ່າວ CCTV.
ທ່ານ ເນຍເຕີສວນ ກ່າວວ່າ: ໃນເຫດການດັດແກ້ກົດໝາຍໃນ 1 ປີຜ່ານມາ, ນອກຈາກໄດ້ມີຜູ້ກໍ່ການຮ້າຍດ້ວຍຄວາມຮຸນແຮງເພື່ອທຳລາຍຄວາມເປັນລະບຽບຮຽບຮ້ອຍທາງດ້ານການປົກຄອງດ້ວຍກົດໝາຍຂອງສັງຄົມຮົງກົງຢ່າງໜັກໜ່ວງແລ້ວ, ຍັງມີລັດຖະກອນຈຳນວນໜຶ່ງກໍໄດ້ເຂົ້າຮ່ວມການໂຮມຊຸມນຸມເພື່ອຕໍ່ຕ້ານການດັດແກ້ກົດໝາຍ, ເຮັດໃຫ້ເກີດມີຜົນກະທົບທີ່ໜັກໜ່ວງຫຼາຍ. ການສ້າງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງມີຈຸດປະສົງເພື່ອແກ້ໄຂຂໍ້ບົກຜ່ອງຂອງກົດໝາຍ ເຊິ່ງມີຄວາມສຳຄັນຫຼາຍຕໍ່ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງໃນໄລຍະຍາວນານກໍຄືການຈັດຕັ້ງປະຕິບັດແນວທາງ “ປະເທດດຽວສອງລະບອບ”. ການສ້າງກົດໝາຍທີ່ກ່ຽວຂ້ອງເປັນການປາບຜູ້ກໍ່ອາຊະຍາກຳສ່ວນໜ້ອຍທີ່ສຸດທີ່ມີການກະທຳທີ່ທຳລາຍຄວາມໝັ້ນຄົງແຫ່ງຊາດ, ແຕ່ເປັນການປ້ອງກັນສິດທີ່ຖືກຕ້ອງຕາມກົດໝາຍແລະເສລີພາບຂອງຄົນສ່ວນໃຫຍ່.
ທ່ານ ເນຍເຕີສວນ ຍັງກ່າວຕື່ມວ່າ: ການສ້າງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດແມ່ນເພື່ອປາບການກະທຳກໍ່ອາຊະຍາກຳທີ່ໜັກໜ່ວງ 4 ປະເພດ ໂດຍມີຫຼັກການແລະຈຸດປະສົງທີ່ຈະແຈ້ງຫຼາຍ. ກົດໝາຍສະບັບນີ້ກໍ່ຈະສືບຕໍ່ຮັບປະກັນສິດເສລີພາຍໃນການປາກເວົ້າຂອງປະຊາຊົນຮົງກົງ, ໃນຂະນະດຽວກັນ, ພວກເຮົາກໍ່ຕ້ອງປະຕິບັດພັນທະແລະມີຄວາມຮັບຜິດຊອບເທົ່າທີ່ຄວນຕໍ່ກົດໝາຍເຊັ່ນກັນ. ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງມີຄວາມໝາຍສຳຄັນຕໍ່ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງໃນໄລຍະຍາວນານ,ທັງຈະເຮັດໃຫ້ແນວທາງ “ປະເທດດຽວສອງລະບອບ” ມີພື້ນທີ່ການພັດທະນາທີ່ໃຫຍ່ຫຼວງກວ່າເກົ່າ.
ຄຳເຫັນ
0