ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດອາຊຽນຄັ້ງທີ 36 ໄດ້ຈັດຂຶ້ນໃນຮູບແບບຜ່ານວິດີໂອ, ໃນຖະແຫຼງການປະທານກອງປະຊຸມສຸດຍອດທີ່ເຜີຍແຜ່ໃນວັນທີ 27 ມິຖຸນານີ້, ອາຊຽນໄດ້ປະກາດສ້າງຕັ້ງກອງທຶນຮັບມືກັບການແຜ່ລະບາດຂອງພະຍາດໂຄວິດ-19 ແລະ ຈະພະຍາຍາມຊຸກຍູ້ໃຫ້ເສດຖະກິດຟື້ນຟູຄືນຢ່າງຮອບດ້ານ.
ຖະແຫຼງການລະບຸວ່າ: ບັນດາຝ່າຍທີ່ເຂົ້າຮ່ວມກອງປະຊຸມໄດ້ປະກາດສ້າງຕັ້ງກອງທຶນຮັບມືກັບການແຜ່ລະບາດຂອງພະຍາດໂຄວິດ-19 ສຳລັບອາຊຽນ ແລະ ຈະສຸມຄວາມພະຍາຍາມຊຸກຍູ້ໃຫ້ອາຊຽນສາມາດຟື້ນຟູຈາກຜົນກະທົບຂອງການແຜ່ລະບາດຂອງພະຍາດ, ອາຊຽນໄດ້ວາງໂຄງຮ່າງຟື້ນຟູແບບຄົບວົງຈອນ ເພື່ອໃຫ້ພາກພື້ນຕົນສາມາດກ້າວຜ່ານໄລຍະຟື້ນຟູ. ຖະແຫຼງການຍັງເນັ້ນໜັກເຖິງຄວາມສຳຄັນໃນການເພີ່ມທະວີການຮ່ວມມືລະຫວ່າງອາຊຽນກັບຄູ່ຮ່ວມມືຕ່າງໆ ແລະ ອົງການຈັດຕັ້ງສາກົນ ໃນການຮັບມືກັບການແຜ່ລະບາດຂອງພະຍາດ.
ຄຳເຫັນ
0