ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 27 ມິຖຸນານີ້, ກະຊວງວັດທະນະທຳ ແລະ ທ່ອງທ່ຽວຈີນໄດ້ເປີດເຜີຍຂໍ້ມູນສະຖິຕິການທ່ອງທ່ຽວໃນຍາມພັກບຸນຊ່ວງເຮືອຕ່ວນອູ, ນັບແຕ່ວັນທີ 25 ຫາ 27 ມິຖຸນານີ້, ນັບລວມແລ້ວ, ທົ່ວປະເທດຈີນໄດ້ຕ້ອນຮັບນັກທ່ອງທ່ຽວພາຍໃນປະເທດ 48,8 ລ້ານເທື່ອຄົນ ແລະ ສ້າງລາຍຮັບຈາກການທ່ອງທ່ຽວ 12,28 ຕື້ຢວນ.
ເຈົ້າໜ້າທີ່ຫ້ອງການກະຊວງວັດທະນະທຳແລະທ່ອງທ່ຽວຈີນແຈ້ງວ່າ, ເນື່ອງຈາກມີອຸປະສັກຈາກການແຜ່ລະບາດຂອງພະຍາດໂຄວິດ-19 ແລະ ຍາມນ້ຳຂຶ້ນ, ພາກສ່ວນວັດທະນະທຳແລະທ່ອງທ່ຽວຂອງທ້ອງຖິ່ນຕ່າງໆ ໄດ້ເພີ່ມທະວີການປະເມີນ ແລະ ຕິດຕາມຄວາມສ່ຽງຕ່າງໆຢູ່ຕາມສະຖານທີ່ທ່ອງທ່ຽວ. ໃນຍາມພັກບຸນຊ່ວງເຮືອຕ່ວນອູ 3 ວັນ, ທົ່ວປະເທດຈີນບໍ່ໄດ້ເກີດເຫດໃຫຍ່ທີ່ກ່ຽວຂ້ອງກັບຄວາມປອດໄພ ແລະ ມີຄະດີທີ່ພົວພັນກັບການທ່ອງທ່ຽວ.
ຂ່າວແຈ້ງວ່າ, ທ້ອງຖິ່ນຕ່າງໆໄດ້ປະຕິບັດຫຼັກການ “ຕ້ອນຮັບນັກທ່ອງທ່ຽວຕາມຄວາມສາມາດຂອງຕົນ”, ໄດ້ຈັດເອົາສັນຍານກ້ອງວົງຈອນປິດຢູ່ສະຖານທີ່ທ່ອງທ່ຽວຂະໜາດໃຫຍ່ແຫ່ງຕ່າງໆ ເຂົ້າໃນລະບົບຕິດຕາມ ແລະ ຮັບມືສຸກເສີນແບບກວມລວມຂອງກະຊວງວັດທະນະທຳ ແລະ ທ່ອງທ່ຽວ, ໄດ້ລາດຕະເວນກວດກາສະຖານທີ່ທ່ອງທ່ຽວລະດັບ 5A ທັງໝົດ 1100 ກວ່າເທື່ອ, ກວດກາຄະນະນັກທ່ອງທ່ຽວ 3046 ຄະນະ ແລະ ໄປກວດກາສະຖານທີ່ທ່ອງທ່ຽວປະເພດຕ່າງໆທົ່ວປະເທດ 15.000 ເທື່ອ.
ຄຳເຫັນ
0