徐毅然

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao

ວົງ​ການ​ຕ່າງ​ໆ​​ຂອງຮົງ​ກົງ​ຈີນ​ເດັດ​ດ່ຽວ​ຄັດ​ຄ້ານ​ອາ​ເມ​ຣິ​ກາ​ທີ່​​ແຊກ​ແຊງ​​ວຽກ​ງານ​ຂອງ​ເຂດ​ຮົງ​ກົງ​ແລະ​ວຽກ​ງານ​ພາຍ​ໃນ​ຂອງ​ຈີນ

2020-06-29 16:50:08 cri

ຕາມ​ຂ່າວCRI:ໃນ​ໄລ​ຍະ​ມໍ່ໆ​ມາ​ນີ້, ບຸກ​ຄົນ​ໃນວົງການ​ຕ່າງໆ​ຂອງ​ເຂດ​ບໍ​ລິ​ຫານ​ພິເສດ​ຮົງ​ກົງ​ກ່າວ​ວ່າ, ການ​ສ້າງ​ກົດ​ໝາຍ​​ການ​ປົກ​ປັກ​ຮັກ​ສາຄວາມ​ໝັ້ນ​ຄົງ​ແຫ່ງ​ຊາດ​ຂອງ​ເຂດ​ຮົງ​ກົງ​ແມ່ນ​ມາດ​ຕະ​ການ​ສຳ​ຄັນ​ໃນ​ການ​ຍຶດ​ຖື​ແລະ​ປັບ​ປຸງ​ນະໂຍ​ບາຍ “ປະ​ເທດ​​ດຽວສອງ​ລະ​ບອບ”. ການ​ແຊກ​ແຊງ​ແລະ​ການ​ຂົ່ມ​ຂູ່​ຂອງອິດ​ທິ​ກຳ​ລັງ​ພາຍນອກແມ່ນ​ການ​ກະ​ທຳ​ທີ່​ເປັນ​ເຈົ້າ​ອຳ​ນາດ, ເຊິ່ງ​ກົນ​ອຸ​ບາຍ​ເຫຼົ່າ​ນີ້​ຈະ​ບໍ່​ສາ​ມາດສຳ​ເລັດ​ຜົນໄດ້.

 

ທ່ານ​ນາງ​ຈີນ ລີງ, ຮອງ​ປະ​ທານ​ກິ​ດຕິ​ມະ​ສັກຂອງ​ສະ​ຫະ​ພັນ​ແມ່​ຍິງ​ວົງ​ການ​ຕ່າງໆຂອງ​ເຂດ​ຮົງ​ກົງ​ກ່າວ​ວ່າ, ອິດ​ທິ​ກຳ​ລັງ​ພາຍນອກ​ຈຳ​ນວນ​ໜຶ່ງ​ໄດ້ເວົ້າໃສ່​ຮ້າຍ​ປາຍ​ສີ​ຕໍ່​ກົດ​ໝາຍ​ຄວາມ​ໝັ້ນ​ຄົງຂອງ​ເຂດ​ຮົງ​ກົງ, ເປີດ​ປ່າວວ່າ​ຈະ​​ລົງ​ໂທດ​ຕໍ່​ເຂດ​ຮົງ​ກົງ. ນີ້​ແມ່ນ​ການ​ແຊກ​ແຊງ​​ວຽກ​ງານ​ພາຍ​ໃນ​ຂອງ​ຈີນ​ຢ່າງບັງ​ອາດ​ເປີດ​ແປນ, ພົນ​ລະ​ເມືອງ​ຮົງ​ກົງ​ເດັດ​ດ່ຽວ​ສະ​ໜັບ​ສະ​ໜູນ​ຕໍ່​ການ​ສ້າງ​ກົດ​ໝາຍກ່ຽວ​ກັບ​ການປົກ​ປັກ​ຮັກ​ສາ​ຍ​ຄວາມ​ໝັ້ນ​ຄົງ​ແຫ່ງ​ຊາດ​ຂອງ​ເຂດ​ຮົງ​ກົງ.

 

ທ່ານ​ລີນ ລອງ ອ່ານ, ຜູ້​ແທນ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​ຂອງ​ເຂດ​ຮົງ​ກົງ, ປະ​ທານ​ສະ​ມາ​ຄົມ​ການ​ຄ້າ​ຂາ​ເຂົ້າ​ຂາ​ອອກ​ຮົງ​ກົງກ່າວ​ວ່າ, ອິດ​ທິ​ກຳ​ລັງ​ພາຍນອກນຳ​ໃຊ້​ຂໍ້​ອ້າງ​ດ້ານ​ປະ​ຊາ​ທິ​ປະ​ໄຕ​ແລະ​ສິດ​ທິ​ມະ​ນຸດ, ທີ່​ຈິງ​ແລ້ວ​ໄດ້ເຮັດ​ເລື່ອງ​ທີ່​ແບ່ງ​ແຍກ​ອະ​ທິ​ປະ​ໄຕ​ຂອງ​ປະ​ເທດ​ພວກ​ເຮົາ, ພວກ​ເຮົາ​ສະ​ໜັບ​ສະ​ໜູນ​ທີ່​ສຸດ​ທີ່​ຈະປະ​ຕິ​ບັດຕາມ​ກົດ​ໝາຍ​ກ່ຽວ​ກັບຄວາມ​ໝັ້ນ​ຄົງ​ແຫ່ງ​ຊາດ​ໂດຍ​ໄວ.

 

ເຈົ້າ​ໜ້າ​ທີ່​ຂອງ​ອົງ​ການປົກ​ຄອງ​ຂອງ​ເຂດ​ບໍ​ລິ​ຫານພິ​ເສດ​ຮົງ​ກົງ​ກ່າວ​ໃນ​ເວ​ລາ​ໃຫ້​ສຳ​ພາດ​ວ່າ, ​ກົດ​ໝາຍ​ກ່ຽວ​ກັບ​ການປົກ​ປັກ​ຮັກ​ສາ​ຄວາມ​ໝັ້ນ​ຄົງ​ແຫ່ງ​ຊາດ​ຂອງ​ເຂດ​ຮົງ​ກົງ​ຈະ​​ເປັນການຄ້ຳ​ຊູ​ຢ່າງ​ເຂັ້ມ​ແຂງ​​ໃນ​ການ​ຊຸກ​ຍູ້​ໃຫ້​ຮົງ​ກົງ​ໄດ້​ຮັບ​ການ​ບໍ​ລິ​ຫານແລະ​ພັດ​ທະ​ນາ​ຢ່າງ​​ໝັ້ນ​ຄົງ​ຍາວນານ​​ແລະ​ເຮັດ​ໃຫ້​ປະ​ເທດ​ໜຶ່ງ​ສອງ​ລະ​ບອບ​ມີ​ຄວາມ​ຍຶນ​ຍົງ​, ຄອງ​ຄອຍ​ໃຫ້​ກົດ​ໝາຍ​ທີ່​ກ່ຽວ​ຂ້ອງ​ຈະ​ໄດ້​ປະ​ກາດ​ແລະ​ປະ​ຕິ​ບັດ​ໂດຍ​ໄວ.

ຄຳ​ເຫັນ

0