ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 29 ມິຖຸນານີ້, ສະຖານີໄຟຟ້ານິວເຄຼຍເຟເຊເນັມທີ່ດຳເນີນງານດົນກວ່າໝູ່ໃນປັດຈຸບັນຝຣັ່ງ ໄດ້ປິດເຄື່ອງປະຕິກອນແຫ່ງສຸດທ້າຍ.
ສະຖານີໄຟຟ້ານິວເຄຼຍເຟເຊເນັມມີເຄື່ອງປະຕິກອນສອງແຫ່ງ, ເຊິ່ງເຄື່ອງປະຕິກອນເລກ 1 ໄດ້ປິດໃນເດືອນກຸມພາປີນີ້ແລ້ວ. ຕາມແຜນການເດີມ, ເຄື່ອງປະຕິກອນເລກ 2 ຈະເລີ່ມປິດໃນກາງຄືນວັນທີ 29 ມິຖຸນາ, ແຕ່ບໍລິສັດໄຟຟ້າຝຣັ່ງທີ່ເປັນຝ່າຍທຸລະກິດສະຖານີໄຟຟ້ານິວເຄຼຍແຫ່ງນີ້ໄດ້ປະກາດວ່າເລີ່ມຕົ້ນຂັ້ນຕອນການປິດກ່ອນເວລາກຳນົດ.
ສະຖານີໄຟຟ້ານິວເຄຼຍເຟເຊເນັມເລີ່ມດຳເນີນງານໃນປີ 1977, ຕັ້ງຢູ່ເຂດຊາຍແດນສາມປະເທດເຊັ່ນຝຣັ່ງ ເຢຍລະມັນ ແລະສະວິສ, ແມ່ນສະຖານີໄຟຟ້ານິວເຄຼຍທີ່ເຮັດວຽກດົນກວ່າໝູ່ຂອງຝຣັ່ງໃນປັດຈຸບັນ, ແລະໄດ້ເຮັດວຽກກາຍເວລາກຳນົດ 3 ປີແລ້ວ.
ລັດຖະບານຝຣັ່ງເຄີຍກ່າວວ່າ, ການປິດສະຖານີໄຟຟ້ານິວເຄຼຍເຟເຊເນັມ ແມ່ນບາດກ້າວທຳອິດໃນຍຸດທະສາດທີ່ປັບປຸງໂຄງປະກອບພະລັງງານໃຫ້ສະໝ່ຳສະເໝີຄືນໃໝ່ຂອງຝຣັ່ງ. ປັດຈຸບັນ, ຝຣັ່ງແມ່ນປະເທດທີ່ໃຊ້ໄຟຟ້ານິວເຄຼຍຫຼາຍກວ່າໝູ່ໃນທົ່ວໂລກ, ໄຟຟ້າປະມານ 70% ແມ່ນມາຈາກໄຟຟ້ານິວເຄຼຍ. ລັດຖະບານຝຣັ່ງຫວັງຢາກເພີ່ມອັດຕາສ່ວນຂອງໄຟຟ້າພະລັງງານອື່ນໆທີ່ເກີດໃໝ່ໄດ້, ສະນັ້ນຈຶ່ງຫຼຸດອັດຕາສ່ວນການຜະລິດໄຟຟ້າດ້ວຍນິວເຄຼຍໃຫ້ລົງຮອດ 50%.
ຄຳເຫັນ
0