ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ຕອນເຊົ້າວັນທີ 29 ມິຖຸນານີ້ຕາມເວລາທ້ອງຖິ່ນ, ທ່ານເດວິດ ຟຣໍສ, ຫົວໜ້າການເຈລະຈາຂອງອັງກິດໄດ້ເດີນທາງໄປຮອດນະຄອນຫຼວງບຣຸກແຊນຂອງແບນຊິກ, ເພື່ອພົບປະກັບທ່ານມິເຊນ ບານີເອນ, ຫົວໜ້າການເຈລະຈາຂອງສະຫະພາບເອີຣົບ, ດຳເນີນການເຈລະຈາກ່ຽວກັບການພົວພັນໃນອະນາຄົດລະຫວ່າງສະຫະພາບເອີຣົບ-ອັງກິດ.
ໃນວັນທີ 5 ມິຖຸນານີ້ຕາມເວລາທ້ອງຖິ່ນ, ພາຍຫຼັງການເຈລະຈາຮອບທີ 4 ກ່ຽວກັບການພົວພັນໃນອະນາຄົດລະຫວ່າງເອີຮົບ-ອັງກິດສິ້ນສຸດລົງ, ທ່ານມິເຊນ ບານີເອນ, ກ່າວ ວ່າ, ການເຈລະຈາບໍ່ໄດ້ຮັບຄວາມກ້າວໜ້າທີ່ມີລັກສະນະທາດແທ້. ສະນັ້ນ, ຜູ້ນຳຂອງ 3 ອົງການໃຫຍ່ຂອງສະຫະພາບເອີຣົບໄດ້ຈັດກອງປະຊຸມທາງວິດີໂອກັບທ່ານໂບຣິສ ໂຈໂຊນ, ນາຍົກລັດຖະມົນຕີອັງກິດໃນວັນທີ 15 ມິຖຸນານີ້, ໄດ້ສະແດງຄວາມປະຖານາຂອງທັງສອງຝ່າຍກ່ຽວກັບການເພີ່ມທະວີການເຈລະຈາໃນເດືອນກໍລະກົດ, ແລະໄດ້ຢືນຢັນວ່າອັງກິດຈະບໍ່ສະແຫວງຫາການແກ່ຍາວເວລາຂອງໄລຍະຂ້າມຜ່ານຫຼັງຈາກວັນທີ 31 ເດືອນທັນວາປີ 2020 ນີ້ເປັນຕົ້ນໄປ.
ກ່ຽວກັບການເຈລະຈາໃນຕໍ່ໜ້ານີ້, ຝ່າຍຕ່າງໆຂອງສະຫະພາບເອີຣົບໄດ້ບັນລຖຫຼັກໝັ້ນເປັນເອກະພາບກັນ. ໂດຍຄອງຄອຍການເຈລະຈາຈະໄດ້ຮັບຄວາມກ້າວໜ້າທີ່ມີລັກສະນະທາດແທ້ໃນຫົວຂໍ້ຫຼັກຕ່າງໆ, ແຕ່ຈະບໍ່ສະຫຼຼະຜົນປະໂຫຍດດ້ານການເມືອງແລະເສດຖະກິດໃນໄລຍະຍາວຂອງຕົນເພື່ອບັນລຸສັນຍາໃດໜຶ່ງ.
ຄຳເຫັນ
0