ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ກໍລະກົດນີ້, ສະມາຄົມຄົ້ນຄວ້າສິດທິມະນຸດຈີນໄດ້ເປີດເຜີຍບົດຄວາມທີ່ມີຫົວຂໍ້ວ່າ “ການຈຳແນກແລະທາລຸນຊາວອົບພະຍົບຢ່າງໜັກໜ່ວງສ່ອງແສງໃຫ້ເຫັນເຖິງຄວາມເມດຕາຈອມປອມດ້ານ‘ສິດທິມະນຸດແບບອາເມຣິກາ’”ເຊິ່ງບົດຄວາມໄດ້ຊີ້ໃຫ້ເຫັນວ່າ ລັດຖະບານອາເມຣິກາມີອະຄະຕິທາງສາສະໜາ, ຈຳແນກດ້ານວັດທະນະທຳແລະມີແນວຄິດປັດເຂ່ຍດ້ານເຊື້ອຊາດຜິວພັນໂດຍແນໃສ່ຊາວອົບພະຍົບນັ້ນນັບມື້ນັບຮຸນແຮງຂຶ້ນ. ໃນຂົງເຂດຊາວອົບພະຍົບ, ອາເມຣິກາໄດ້ນຳໃຊ້ນະໂຍບາຍຫົວຮຸນແຮງຂອງລັດທິປັດເຂ່ຍຕໍ່ພາຍນອກເພື່ອບີບບັງຄັບເຊື້ອຊາດອື່ນ, ລ່ວງລະເມີດສິດຂັ້ນພື້ນຖານແລະກຽດສັກສີຂອງຊາວອົບພະຍົບ ເຊິ່ງໄດ້ເຜີຍແບໃຫ້ເຫັນເຖິງຄວາມຈອມປອມດ້ານ “ສິດທິມະນຸດແບບອາເມຣິກາ”.
ບົດຄວາມຊີ້ໃຫ້ເຫັນວ່າ: ຊາວອົບພະຍົບຢູ່ອາເມຣິກາຖືກຈຳແນກຢ່າງໜັກໜ່ວງແລະຖືກປະຕິບັດຢ່າງທາລຸນ ເຊິ່ງ ສະແດງໃຫ້ເຫັນໃນຫຼາຍດ້ານເຊັ່ນ: ລັດຖະບານອາເມຣິກາໄດ້ໃຊ້ຄວາມຮຸນແຮງຕໍ່ຊາວອົບພະຍົບ ໂດຍຈັບກຸມແລະກັກຕົວຊາວອົບພະຍົບເພື່ອຕັດອິດສະຫຼະພາບຢ່າງຂະໜາດໃຫຍ່ຢູ່ເຂດຊາຍແດນ; ນະໂຍບາຍເດັດຂາດທີ່ບໍ່ໂຍະຍານຕໍ່ຊາວອົບພະຍົບ ໄດ້ເຮັດໃຫ້ເດັກນ້ອຍກັບພໍ່ແມ່ຂອງຕົນຕ້ອງພັດພາກຈາກກັນ, ມີການປະຕິບັດຕໍ່ຊາວອົບພະຍົບແລະເດັກນ້ອຍແບບຂາດມະນຸດສະທຳ, ສິດໃນການມີຊີວິດແລະສິດໃນການມີສຸຂະພາບທີ່ແຂງແຮງແລະສິດສິມະນຸດຂັ້ນພື້ນຖານອື່ນໆໄດ້ຖືກລ່ວງລະເມີດຢ່າງໜັກໜ່ວງແລະອື່ນໆ.
ບົດຄວາມໄດ້ເນັ້ນໜັກວ່າ: ລັດທິປັດເຂ່ຍຕໍ່ພາຍນອກໄດ້ສະແດງອອກໃນດ້ານນະໂຍບາຍກ່ຽວກັບຊາວອົບພະຍົບຂອງອາເມຣິກາທີ່ພາໃກ້ເກີດມີຜົນຮ້າຍອັນໜັກໜ່ວງ ເຊິ່ງເຮັດໃຫ້ຄວາມຂັດແຍ້ງໃນສັງຄົມຮຸນແຮງຂຶ້ນ, ວົງການຕ່າງໆມີຄວາມເຫັນຂັດແຍ້ງກັນຢ່າງຫຼວງຫຼາຍໃນດ້ານນະໂຍບາຍຊາວອົບພະຍົບ ອັນໄດ້ເລັ່ງລັດໃຫ້ສັງຄົມເກີດມີຄວາມແຕກແຍກກັນຮຸນແຮງຂຶ້ນຕື່ມ, ນະໂຍບາຍການຈຳແນກເຊື້ອຊາດຜິວພັນ ດັ່ງກ່າວໄດ້ທຳລາຍຄວາມເປັນຊາດແລະຂະບວນການເຊື່ອມໂຍງເຂົ້າກັນລະຫວ່າງເຊື້ອຊາດຂອງອາເມຣິກາ. ຊາວອົບພະຍົບທີ່ໄດ້ປະກອບສ່ວນຢ່າງໃຫຍ່ຫຼວງໃຫ້ກັບອາເມຣິການັ້ນຖືກອາເມຣິກາຖືເປັນຄົນພາຍນອກທີ່ເປັນໄພຂົ່ມຂູ່ຕໍ່ລະບອບການເມືອງ, ເປັນພາລະທາງດ້ານການເງິນແລະສະຫວັດດີການຂອງລັດ ແລະກາຍເປັນຜູ້ເຄາະຮ້າຍຈາກການປັດເຂ່ຍແລະການທຳຮ້າຍ.
ຄຳເຫັນ
0